أحمد العوضي: بحب أساعد الممثلين اللي مش بيتعرض عليهم شغل وأقدمهم في أعمالي
كشف الفنان أحمد العوضي عن أنه حريص دائما على مساعدة الفنانين الذين لم يعرض عليهم أعمال فنية.
وقال أحمد العوضي في لقائه مع القاهرة 24: اللي معاه زي ما بيقولوا بالبلدي كده بيدي اللي مش معاه، والنهارده أنا راجل عامل مسلسل وبحب أساعد كل الزملاء اللي مش بيشتغلوا كتير وده دوري، زي ما كل واحد مستني وهو صغير حد يمسكه من إيده ويساعده، ونور الشريف اكتشفني وساعد ناس كتير، ولو كل واحد فكر في كده كل الممثلين هيشتغلوا والموهوبين.
على جانب آخر، تحدث الفنان أحمد العوضي عن تكريمه أول أمس من مهرجان الفضائيات العربية، عن دوره في مسلسل حق عرب، وأكد أن هدفه الدائم هو تقديم أعمال تُسعد الجمهور، مؤكدًا أن تكريم الجمهور له فرحة ومكانة مختلفة بالنسبة لأي فنان، لذلك يسعى دائمًا لتقديم أعمالًا تنال إعجاب الجمهور.
وأضاف العوضي: النجاح توفيق من ربنا مش شطارة مننا، وأكتر حاجة بتسعدني أكون على تواصل مباشر مع أخواتي، عن طريق المسابقات أو اللايف، وأهم تكريم للفنان هو تكريم الجمهور.
وأهدى العوضي جائزة تكريمه كأفضل ممثل في الدراما لعام 2024، لـ المنتجين الأربعة الراحين، وهم: حسام شوقي، فتحي إسماعيل، تامر فتحي، محمود كمال، والذي رحلوا عن عالمنا خلال الشهر الماضي.
