عزيز الشافعي: أنا أكتر ملحن نزله أغاني ومحتاج أبعد شوية.. ومبحبش النقد لأنه بيأذيني
أوضح الملحن عزيز الشافعي، إنه سيأخذ فترة من الراحة والابتعاد قليلًا عن كتابة وتلحين الأغاني، خاصة وإنه طرح العديد من الأغاني خلال السنوات القليلة الماضية وهذا العام بالتحديد، بجانب حديثه عن كيفية تعامله مع الانتقادات.
وقال عزيز الشافعي، في لقائه مع القاهرة 24: عايز أرتاح شوية علشان أرجع أعمل مزيكا مختلفة بشكل جديد، لأني نزلت أغاني كتير السنة دي واللي فاتت واللي قبلها، يمكن أنا أكتر حد نزل له أغاني، وده عمل شوية إجهاد عقلي وروحي وعاطفي فمحتاج أني أبعد شوية.
أما عن كيفية تعامله مع الانتقادات فعلق عزيز الشافعي: أنا مش من هواة النقد ولا بحب أسمعه، ولكن أنا أول ناقد لنفسي، وطبيعي الأساطير الكبار ساعات بيعملوا حاجة مش حلوة، ولكن بحاول مشفش النقد لأنه بيأذيني جدًا.
عزيز الشافعي: استحق أكون أفضل ملحن في 2024
وسبق وأعرب عزيز الشافعي، عن سعادته الكبيرة بتكريمه كأفضل ملحن في عام 2024، في حفل توزيع دير جيست، حيث قال لـ القاهرة 24: سعيد بتكريمي في دير جيست، وحاسس إن أنا أستحق التكريم كأفضل ملحن 2024 والسنوات اللي فاتت بتصويت الجمهور وبـ آراء الناس، وأتمنى أكون أستحق التكريم ده ويكون عندي استحقاق علشان أفرح بيها، أكتر ما يكون في مجاملة.
