الراقصة دينا تكشف سر شبابها: عمري ما نمت وفي وشي مكياج وباكل مرة واحدة باليوم
كشفت الراقصة والفنانة الاستعراضية دينا سر شبابها، وردت على التساؤلات التي توجه لها دائمًا من البعض عن سبب عدم ظهور الكبر عليها، مشيرة إلى أنها تفعل بعض الأمور منذ أنا كانت بعمر صغيرة حتى تحافظ على شكلها وشبابها.
وقالت الراقصة دينا في برنامجها الجديد اسمع من دينا: أحيانًا بيقولوا حاجات تضحك، يعني مثلًا يقولوا إنتي كبرتي، هو إنتي ميبناش عليكي الكبر ليه؟، مش بكون فاهمة وضايعة بين الاتنين، أنا كبرت ولا ميبانش عليا الكبر، لكن مش بتأثر أوي علشان ما أضايقش اللي بيحبوني ومش معترضة على كلامهم، وأنا كبرت بجد لكن مش بيبان عليا الكبر.
دينا تكشف سر شبابها
وكشفت الفنانة دينا بعض الأمور التي تفعلها منذ أن كانت بعمر 15 سنة، قائلة: من وأنا عندي 15 سنة لحد النهاردة عمري ما نمت وفي وشي مكياج، وكل يوم بحط كريم في النهار وفي الليل، وعمري ما استحميت ومحطتش كريم لجسمي، وكل يوم بلعب رياضة أو برقص، وطول عمري بعمل الصيام المتقطع من وأنا 15 سنة، وباكل مرة واحدة في اليوم لأن مفيش حاجة عندي أحسن من نفسي.
وتابعت: بقدر أحافظ على نفسي وأوصل لسن معين وأنا محافظة على نفسي ومش بزعل أنكم بتقولوا أنتي كبرتي لأن دي الحقيقة ومش مضايقاني خالص، ويا رب توصلوا لسني وتبقوا زي.
وتقدم الفنانة الاستعراضية دينا برنامجًا جديدًا بعنوان اسمع من دينا، وسبق أن روجت له في مقطع فيديو عبر حسابها بموقع إنستجرام ظهرت فيه وهي تكشف عن كواليس البرنامج، حيث تطرق للحديث عن عدة موضوعات تخص حياتها الشخصية والعملية لأول مرة، وترد على العديد من التساؤلات والشائعات التي تتعرض لها باستمرار.
