جد الطفل يوسف يعلق على تعذيب زوجة ابنه لحفيده

خلال الساعات الماضية تداول مستخدمو مواقع التواصل الاجتماعي، قصة الطفل يوسف، الذي تعرض رفقة أخوته للعنف والتعذيب من قِبل زوجة والدهم وهي أستاذة جامعية، وتواصل القاهرة 24 مع سامي أحمد جد الأطفال أصحاب واقعة التعذيب.

 جد الطفل يوسف يعلق على تعرض حفيده للتعذيب من زوجة والده

وكشف سامي أحمد لـ القاهرة 24، تفاصيل تعرض أحفاده للتعذيب المتعمد من قبل زوجة الأب قائلا:  زوجة والدهم اتحكم عليها بشهرين سجن، واستحالة نتنازل، وكانت بتستخدم العنف معاهم بدون مبرر، تحت مسمى أنها بتحفظهم قرآن، لكن هي ولا بتحفظهم ولا حاجة، وكانت تنهال عليهم بالضرب والتعذيب.

وأضاف: وأنا مش بحب أدخل أقسام، وأخرت الموضوع ده، وكلمتها وكلمت زوجها أكثر من مرة، وتواصلت مع جميع أفراد العائلة للتوصل للحل، والتوقف عن تعذيب الأطفال، وكلمنا شيوخ وناس كبيرة في البلد، وقولتهم مش عاوز أعمل محضر، وبسبب كده كلفنا محامي لرفع قضية ضدها، وأنقذنا البنت منها، بعد ما عذبتها وقصت شعرها، وكسرت أسنانها، وظهرها اتحرق من الضرب.

وأكمل الجد: بالنسبة لموقف والدهم من تعذيب أطفاله، كان رده: انتوا اللي جبتوه لنفسكم عشان مش بتحفظوا، ولم يعاتب زوجته على تعذيب أولاده، وكمان زوجته منعت الأطفال من النوم بجوار بعضهم البعض، والبنت كانت بتنام في المطبخ.

بها آثار تعذيب.. العثور على جثة شاب في الزراعات بمدينة كوم أمبو

وأكمل: وبعدها عملها محضر بالقسم، وصدر حكم ضدها لمدة شهرين، بسبب تعذيبها للطفلين، وأنا مكنتش عاوز اتخذ أي إجراء قانوني، لكن اضطريت أعمل كده، وبعدها قولنا هتخاف، لكن كررت ضربها للطفل يوسف مرة آخرى، وبسبب ذلك هرب من المنزل بسبب تعذيب زوجة والده له.