تيكتوكر تستغيث من شركة Booking: دفعت وسافرت لقيت المكان فيه ناس واترميت في الشارع
استغاثت التيكتوكر سلمى حسني من شركة booking، حيث إنها حجزت أحد البيوت للإيجار لتكتشف بعد سفرها أن المكان شاغر بالفعل وبه مستأجرين آخرين.
تيكتوكر تستغيث من شركة Booking
قالت التيكتوكر سلمى في فيديو نشرته على تيك توك: أنا من الساعة 1 لـ الساعة 5 في الشارع أنا وأخواتي البنات، علشان أنا حجزت من على بوكينج بيت إيجار، وسحبوا الفلوس بعد ما وصلت اللوكيشن بتاع المكان اللي أنا مأجراه.
وأضافت: قالولي سوري المكان أصلا محجوز طيب أعمل إيه قالوا هنتواصل مع الأونر ونحل المشكلة أو تواصلي مع بوكينج، ومفيش أي تواصل مفيش أي حاجة.
وتابعت: لحد ما الأونر كلمني وقالي إن الغلط مش من بوكينج، الغلط مني أنا وأنا هحولكوا على بيت تاني بنفس الأمونت اللي حاجزين بيه، قولته لاء يا فندم لو البيت ده مش متاح أنا عايزة فلوسي ترجعلي.
وأردفت: قالي أنا معنديش أوبشن تاني غير أني أوفر لك مكان تاني، لو عايزة فلوسك ارجعي لبوكينج أو روحي لمركز الشرطة.
وواصلت: أنا روحت مركز الشرطة وقالولي لازم تتواصلي مع حماية المستهلك عشان بوكينج شركة عالمية، اتصلت بيهم وقالولي إنهم هيبعتوا يلغوا الطلب وهنستنى 45 دقيقة لو الأونر مردش، إحنا هنرجع فلوسك بعد 7 إلى 15 يوم من يوم الحجز، وأنا في الشارع مش معايا فلوس وسحبوا مني الفلوس اللي في الفيزا.
