محمد عبد المنعم يودع النادي الأهلي وجماهيره برسالة مؤثرة
نشر اللاعب المصري محمد عبد المنعم مدافع النادي الأهلي، مقطع فيديو عبر حسابه الرسمي على موقع التواصل الاجتماعي إنستجرام، يودع فيه النادي الأهلي وجماهيره.
ويأتي ذلك بعدما سافر اللاعب إلى فرنسا من أجل الانضمام إلى نادي نيس الفرنسي، والذي دخل في مفاوضات جدية مع المارد الأحمر خلال الفترة الأخيرة من أجل التعاقد مع اللاعب المصري.
محمد عبد المنعم يودع النادي الأهلي وجماهيره برسالة مؤثرة
وقال محمد عبد المنعم في المقطع الذي نشره: عارف يعني إيه تنام وتحلم وتصحى تلاقي حلمك اتحقق وإنك لاعب في النادي الأهلي، من يوم ما كنت طفل صغير كنت شايف نفسي بالتيشرت الأحمر.
وأضاف: بلعب قدام جمهور كبير بيهتف باسمي، الحلم ده مش بس اتحقق، ده بقى جزء مني ومن حياتي، 15 سنة مروا عليا في النادي الأهلي، 15 سنة مروا عليا وأنا بلعب بتيشرت الأهلي، 15 سنة عشت فيها حاجات كتير من الحب والتحديات والفخر.
وأوضح: يوم ما لبست التيشرت للمرة الأولى، حسيت إن دي لحظة عمرها ما تتكرر، حسيت إني بقيت لاعب من أولاد الناي الأهلي، النادي اللي حلمت بيه من صغري، كل تمريرة عملتها وكل هدف سجلته كان مليان أحاسيس كتيرة، الذكريات دي مش هتنتهي، الأهلي اداني أكتر من اللي كنت بحلم بيه.
وواصل: أنا فاكر أول مرة أدخل ملعب التتش، الملعب اللي شهد جهدنا وعرقنا، الملعب اللي شهد على كل فرحة ونصر، جمهور الأهلي اللي صنعني وصنع اسم محمد عبد المنعم، بشكر كل الجماهير.
واختتم: بشكر مجس إدارة النادي الأهلي بقيادة الكابتن محمود الخطيب، الراجل ده عرف ازاي يحقق أحلامنا، عمره ما بخل علينا بأي نصيحة، وكان دايما السند في الأوقات الصعبة، بشكر اللاعيبة اللي كانت معايا على الحلوة والمرة واللي عملت معاهم ذكريات كتير، وعلى كل بطولة حققناها كتف في كتف، وأخيرًا بشكر المشجعين أيضًا والجمهور اللي هيفضل في بالي طول الوقت، الأهلي أعظم نادي في الكون ودايمًا الطموح هو اللي بيصنع الأبطال.
