مها أحمد: في ناس بتسترزق بفيديوهاتي على تيك توك.. وبطلب منهم يبعتوها عشان أستفيد منها
شنت الفنانة مها أحمد هجومًا على بعض الأشخاص الذين يسرقون فيديوهاتها الخاصة على حسابها الشخصي بموقع الفيديوهات تيك توك دون استاذنها، وجني أموال بسببها، مشيرة إلى أنها تطالبهم بفيديوهاتها الخاصة للاستفادة منها ونشرها عبر حساباتها الشخصية.
وقالت مها أحمد خلال لايف عبر حسابها الشخصي بموقع تيك توك: في بعض المتسولين على تيك توك بياخدوا فيديوهاتي ويسترزقوا ويشحتوا بيها على قفايا.. فأنا عايزة الفيديوهات دي كمان استفاد منها.
وتابعت مها أحمد: عرفت غن فيه بنت بتسجل فيديوهات ليا كتير خلال اللايف.. وتنزلها بعناوين عندها على حساباتها.. وتاخد منها فلوس وأرباح كتير.
مها أحمد تنعل على متابعيها بعد انتقادهم كثرة لايفاتها
وفي سياق آخر، انفعلت مها أحمد على متابعيها خلال لايف على موقع الفيديوهات تيك توك، بعد سؤالها عن موقف زوجها الفنان مجدي كامل من ظهورها في لايفات على الأبلكيشن 24 ساعة.
وقالت مها أحمد خلال الفيديو: أي حد حاطط في دماغه أنت فين يا مجدي وسايبها على تيك توك 24 ساعة، أصل هي بتعمل فيديوهات على تيك توك، عايزة أقولهم هو حاببني كده وبيموت فيا كده، ويا سلام بقى لو أنا زعلت وروحت اشتكيت بيجبلي هدايا في ساعتها وبيروح يشتري ليا برفانات عشان عارف إني بحبها.
وأضافت مها أحمد: أنا بحب أوي كل اللى يضايقني ويكيدني في اللايف ليه، عشان بستفيد من هجومكم وبيجيلي فلوس أكتر وداعمين، ومجدي بيقعد يقولى إلا زعلك يا مها مع إني مش بعيط عشان بستخسر الدموع بصراحة، عايزاكم تفضلوا تضايقوني كل شوية وتسألوني عن مجدي كامل.
