هاني شاكر: حفل مهرجان القلعة حقق إقبالا قياسيا.. والجمهور خلى عندي شغف
أعرب الفنان هاني شاكر عن سعادته بنجاح حفلته ضمن الدورة الـ 32 من مهرجان القلعة الدولي للموسيقى والغناء، الذي يقام تحت رعاية وزير الثقافة الدكتور أحمد فؤاد هنو، وتنظمه دار الأوبرا المصرية برئاسة الدكتورة لمياء زايد.
قال هاني شاكر في تصريح خاص لـ القاهرة 24، إنه سعيد للغاية بتفاعل الجمهور وحضوره، معلقًا: الحمد لله الحفلة كانت محققة رقما قياسيا وإقبالا كبيرا في ليالي المهرجان، وكان في حضور كبير جدًا من الجمهور، ده بيسعدني وبيفرحني وبيخليني أبقى عندي الشغف.
وأردف هاني شاكر: بحب أقدملهم كل اللي بيحبوه وكل اللي بيسمعوه، فإن شاء الله يا رب دائما من نجاح لنجاح، وأنا بحب جمهور مهرجان القلعة؛ لأنه من المهرجانات الجميلة والعظيمة اللي بيكون فيها جمهور محب وطيب وربنا ما يحرمني من جمهوري.
وأطل أمير الغناء العربي، الفنان هاني شاكر بمصاحبة الفرقة الموسيقية وسط ترحيب حار من الحضور الجماهيرى الكبير، مقدمًا مختارات من أبرز أعماله التي استدعت ذكريات الحب والشجن وأبهرت كل محبيه، وهي: بحبك أنا، بحبك يا غالي، حنعيش، ولا بيك ولا بيا، فرق فى الإحساس، مش بعتب عليك، المفروض، معاك، كتبتلي السنين، مشتريكي، نسيانك صعب، غلطة، متهدديش، سألتك، لسة بتسألي، لو بتحب، على الضحكاية، كده برضو يا قمر، يا ريتني، إيه يا للى بحبك، عيشها من قلبك.
