محمود سعد: خجلان من لقاء ربنا بسبب ذنوبي
نشر الإعلامي محمود سعد، مقطع فيديو عبر حسابه بموقع إنستجرام، رد من خلاله على سؤال ما هو الشيء الذي يخيفه، موضحًا أنه يخشى من ذنوبه.
وقال محمود سعد في الفيديو: بخاف من ذنوبي، آه والله.. ممكن تتصور إني كده بدعي التدين، أنا فيا مشكلة جامدة أوي.. صحيح أن الله غفور رحيم ولكن الواحد بيخاف من الحكاية دي، والمشكلة في مقابلة ربنا سبحانه وتعالى مش في الجنة والنار، المشكلة في الخجل.
محمود سعد يعلق على واقعة مشاجرة محمد فؤاد مع طبيب عين شمس
وفي وقت سابق، علق محمود سعد على واقعة الفنان محمد فؤاد ومشاجرته مع طبيب جامعة عين شمس التخصصي، قائلا: واقعة محمد فؤاد أنا ممكن أفتي فيها للصبح وأدين أطراف ولكن الشعب المصري عنده احتكاك حقيقي بالطوارئ في معظم المستشفيات، ولازم ناخد المواقف البارزة ونعالج بيها المشاكل اللي موجودة.
وأضاف محمود سعد: فيه مشاكل في الطوارئ مهولة ولا أدين أحدا إطلاقًا، ولو كتبتوا خناقات الطوارئ هتلاقوا كتير زي خناقات محمد فؤاد كل يوم، ولكن اللي اتخانق معاهم مش محمد فؤاد.
على جانب آخر، استعاد محمود سعد ذكرياته مع نتيجة الثانوية العامة قائلًا: جبت 56%، وكنت طالب عادي في كلية آداب قسم تاريخ، مكنتش أعرف أن الحياة هتفتح أبوابها وإني لما أدخل مجال الصحافة هحقق نجاح، بس ربنا عادل، وكل إنسان له حاجة يعملها غير مرتبطة بتفوقه في الثانوية العامة.
