التراكمات.. عمرو سلامة يكشف سبب فساد العلاقات العاطفية
كشف المخرج عمرو سلامة، أسباب فساد العلاقات العاطفية، مؤكدًا أن التراكمات هي من تخلق الخلافات بين الطرفين في العلاقات.
وقال عمرو سلامة - خلال تصريحات تليفزيونية -: أنا دخلت علاقات كتير في حياتي، ومن أسوأ الحاجات في العلاقات إن أي حاجة بتتحط تحت السجادة عمرها ما بتعدي ولا بتتنسي، وأكتر حاجة بتخلي العلاقات فاترة وكئيبة ومملة إن في كلام كتير مش بيتقال.
وتابع عمرو سلامة: وساعات الكلام اللي دمه تقيل ده بيبقى تذكرة للسعادة والراحة، وفي كلام كتير دمه تقيل ممكن تقوله في نصف ساعة، تتكلم عن مشاعرك بلباقة ومن غير اتهام للطرف الآخر، ده هيخلي العلاقة سلسة بشكل كبير.
عمرو سلامة يتحدث عن علاقته بـ ابنتي زوجته
كما تحدث عمرو سلامة عن علاقته بـ ابنتي زوجته، مهندسة الديكور مروة البرماوي، قائلًا: في البداية فضلت أقرأ عن علاقة الأولاد بزوج والدتهم، وكان في حساسية من فكرة إني راجل غريب دخل عليهم البيت وخلاهم ميناموش جنب مامتهم، ومينفعش ألعب دور الأب الحقيقي مع بنات زوجتي ولا أتحكم فيهم، ودلوقتي مبقاش فيه الحساسية دي والموضوع بقى سلس بشكل أكبر في العلاقة، وإحنا عندنا مكان مشترك عايشين فيه فلازم نراعي بعض مش أكتر.
