سيدة تتهم طبيبة بالتسبب في عاهة مستديمة لابنها نتيجة خطأ طبي خلال الولادة: شدته من أيده وعملتله شلل
استغاثت إحدى السيدات، تعمل موظفة في إحدى الشركات من طبيبة أخطأت خلال ولادتها، وتسببت في إصابة صغيرها بعاهة مستديمة.
سيدة تتهم طبيبة بخطأ طبي
وقالت السيدة في تصريحات خاصة لـ القاهرة 24: إنها تعمل موظفة شئون قانونية بإحدى الشركات في منطقة أكتوبر وإنها تستغيث من تعرض صغيرها لعاهة مستديمة بسبب خطأ طبي، موضحة أنها كانت على اتفاق مع الطبيبة أنها ستتولى عملية ولادتها داخل المركز الخاص بها، ولكن تفاجأت أن يوم الولادة تغير الاتفاق وقالت لها الطبيبة إنها ستجري عمليتها في أحد المستشفيات.
وأضافت: ذهبت لأحد المستشفيات التي قالت الطبيبة عليه، وأخذت إبر الطلق الصناعي، مع العلم أنني نزفت ماء الولادة صباحًا، وجاءت الطبيبة لتفحصني، قائلة: الطبيبة قالتلي الرأس عالية أوي لفوق قولتلها لو الرأس عالية لفوق حضرتك افتحي قيصري عشان صحة الجنين قالت لأ هنكمل طبيعي.
وأكملت السيدة: دخلت غرفة العمليات وقعدت أكتر من ساعة بتعافر معايا هي والتمريض عشان تنزل الرأس والتمريض قالها نخرجها تتمشى شوية تساعد معانا نزول الرأس هي اعترضت وكملت اللي بتعمله وشدت ابني من دراعه بالقوة لدرجة أنها فصلت عصب الدراع بالكامل وعملتله عاهة مستديمة "ودا اللي فهمته بعد كدة لكن وقتها كنت معتقدة بس إن الدراع مش بيتحرك مؤقتا لأن دا أول طفل ليا ومعنديش خبرة وصدقنا الدكتورة اللي هتفهم شغلها أكتر مني.
وواصلت السيدة: قالتلي قبل ما أخرج من المستشفى، بعد العيد عشان مافيش دكاترة شغالة هوديكي لدكتور مخ وأعصاب وخرجونا من المستشفى من غير ما نعرف إن عليهم مسؤولية تجاه ابني وأن فيه خطأ حصل في الولادة لازم يعالجوه مش مجرد حاجة مؤقتة وطبيعية، ولكن بعد الولادة بيومين ابني اتحجز في الحضانة بسبب إن الصفرا كانت عالية جدًا وفي المستشفى اللي اتحجز فيها بلغونا بأخطاء في الولادة "اعوجاج الرأس - تجمع دموي في العين".
واختتمت السيدة تصريحاتها، قائلة: بعدها مابقتش ترد عليا في التليفون وروحتلها بعد ما روحت لدكاترة برا وعملت إشاعات ورسم عصب الدكاترة قالوا ده بسبب الدكتورة من الولادة شدته من أيده عملتله حاجة اسمها شلل إيرب والإصابة درجتها شديدة.
