همثل لما يجيلي حاجة تليق بيا.. حسن شاكوش: فيلم الغربان كان بتاعي ويشرفني أن عمرو سعد يعمله
رد مطرب المهرجانات الشعبية حسن شاكوش، على سؤال متابعيه حول إمكانية دخوله عالم التمثيل، حيث أوضح أنه كان سيقدم بطولة فيلم الغربان بدلًا من الفنان عمرو سعد.
همثل لما يجيلي حاجة تليق بيا.. حسن شاكوش: فيلم الغربان كان بتاعي ويشرفني أن عمرو سعد يعمله
وقال حسن شاكوش، في لايف عبر حسابه الشخصي بموقع انستجرام: لو الفنان عمرو سعد بيشوفني أنا مصرحتش قبل كده ولا قولت إنك خدت فيلم الغربان مني، مع أن الفيلم كان بتاعي أنا مضيته وكنت بطل الفيلم وصورت فيه وعملت برومو.
وتابع حسن شاكوش: أنا مضيت مع الشركة وقعدت 3 شهور بتدرب مع حصان وضرب مع مدرب، وسافرنا سيوة وكان معانا الفنانة عائشة بن أحمد، ويشرفني أن عمرو سعد يعمل الفيلم لأنه فعلا مش عايز أي حد يعمله.
وأضاف: أنا لما مضيت وصورت وعملت البرومو، تفاجأت أن في ممثلين تانيين صوروا ومشيوا، وكنت المفروض هسافر روسيا علشان عايزين ثلج في التصوير، وكل شيء قسمة ونصيب.
وواصل: أنا قُلت مش هعمل زي ناس تانية وأدخل في التمثيل والغناء مع بعض وأفشل في التمثيل، لأ أنا عايز أدخل وأنجح، واتعرض عليا حاجات كتير ومش همثل غير لما يجيلي حاجة تليق بيا، ومش عايز أعمل حاجة فاشلة تتحسب عليا.
