فتاة ترصد مبلغًا ماليًا للعثور على قطها سُكر: أنا روحي فيه وزي ابني بالظبط
كايرو لايت
القط سكر
أنا روحي فيه وزي ابني بالظبط.. بهذه الكلمات وصفت فتاة تدعى مايا أحمد شعورها بعد فقدانها لقطها سكر، ورصدت مبلغا ماليا لمن يعثر عليه.
فتاة ترصد مبلغًا ماليًا للعثور على قطها سكر
وعن تفاصيل فقدانها لقطها قالت مايا أحمد في تصريحات خاصة لـ القاهرة 24 ، إن القط ضاع من فجر يوم السبت اللي فات، وهو عنده 4 سنين، ومعايا من أول ما اتولد، ولونه بيج وعينه عسلي، وهو ضاع في الحي العاشر مدينه نصر عند مسجد الخزان.
ورصدت مايا أحمد مبلغا ماليا لمن يعثر على قطها سكر قائلة: وفيه مكافأة 5 آلاف جنيه لو حد لقى القط، وأنا مستعدة ادفع اللي هيطلب مني بس للشخص اللي يلاقيه، وأنا روحي فيه وزي ابني بالظبط.
وبالنسبة لتفاعل الناس مع فقدانها لقطها، قالت مايا، الناس كلها متعاطفة معايا وبتحاول تساعدني للأمانه، وأنا في العموم بحب تربية القطط والكلاب، ومتعودة كل يوم بنزل حتى أطعم الكلاب وقطط الشارع اللي تحت بيتي.
