سارة سمير: تحديت نفسي علشان أجيب ميدالية.. واللي يؤمن بنفسه ربنا بيكرمه
عبّرت سارة سمير بطلة مصر في رفع الأثقال والحائزة على الميدالية الفضية في أولمبياد باريس 2024 عن سعادتها بالتتويج ورفع اسم مصر عاليًا، مشيرة إلى أنها فخورة بما تحقق ورفع اسم مصر عاليًا.
وحرصت سارة سمير على شُكر وزير الشباب والرياضة أشرف صبحي، قائلة: دومًا أب لنا وفي ضهرهتا في كل المواقف، وبشكر الرئيس عبد الفتاح السيسي اللي دايما بيكرمنا.
تصريحات سارة سمير
وقال سارة سمير في تصريحات تليفزيونية: أنا كنت هلعب في بطولة طوكيو لكن حصلت ظروف للاتحاد، وكنت هجيب دهب لأن أرقامي كانت تجيب دهب والموضوع كان مُتعِب نفسيا عشان مشاركتش.
واستكملت: لما جات لي فرصة المشاركة كنت عاوزة أعوض فرصة طوكيو وجبت الفضية وزعلت ف البداية، لكن راجعت نفسي وقولت إن أنا جبت فضة بعد ما جبت برونز في أولمبياد ريو وكان نفسي أجيب دهب عشان في كل بطولاتي بجيب دهب لكن الحمد لله.
وواصلت سارة سمير خلال تصريحاتها: مع كل بطولة أهلي بيجولي المطار وبيعملوا جو كدة وبيحسسوني إن أنا جبت دهب، وبحس إني زي لعيبة الكرة ليا شعبية وبستنى أي بطولة ألعبها عشان أجيب دهب، وأفرّح الشعب لأني بحب الناس كلها تبقى مبسوطة.
واختتمت البطلة الأولمبية تصريحاتها: أول ما الإيقاف خلص لعبنا على طول بطولات وبشكر الوزير على كدة، وعاوزة أقول إن أي حد لما يبقى عنده حلم بيواجه أي صعوبات عشان يوصل ولما الاتحاد اتوقف في 2020 ورجع تاني قولت إني بتحدى نفسي عشان أجيب ميدالية دهب، واللي يؤمن بنفسه وبقدراته ربنا بيكرمه وبيعمل اللي هو عاوزه.
