ابن خال اللاعب الراحل أحمد رفعت بذكرى الأربعين: هتفضل في قلوبنا وهندعيلك العمر كله
تحل اليوم الجمعة، ذكرى الأربعين لوفاة اللاعب الراحل أحمد رفعت، نجم منتخب مصر وفريق مودرن سبورت السابق.
هتفضل في قلوبنا وهندعيلك العمر كله
وقال محمد عبد الرؤوف، ابن خال اللاعب الراحل أحمد رفعت، في تصريحات خاصة لـ القاهرة 24: يوم مثل 40 مثل 1000 مثل العمر كله، أحمد هنفضل نبكي عليه ونزعل عليه العمر كله، اللي زي أحمد مبيجيش منه كتير لا في أخلاقة ولا أدبه ولا عقله، ما شاء الله من وهو صغير كان جميل وأكبر من سنة مكنش بيلعب على التريند ولا وتر الظهور مع الناس، كان جميل بار بأهله واخواته، والحمد لله إحنا راضيين وصابرين بس فراقة صعب، الله يكون في عون والدته ويصبرها ويصبرنا جميعا، فراقه صعب مش قادرين نتخطاه ونعديه بس راضيين ومش معترضين، ربنا يرحمه ويتقبل دعوات الناس.
ووجه رسالة للاعب للراحل قائلا: عزانا في الناس اللي بتحبك وفي سيرتك الطيبة، عمرك ما أذيت حد وكنت في حالك، والدتك راضية عليك وكل الناس اللي بتحبك، هتفضل في قلوبنا وهنفضل ندعيلك العمر كله، نتمنى من ربنا يجعلك في جناته ويجمعنا بيك في الجنة يارب.
