أحمد السبكي عن موعد عرض الملحد: فاضل أيام
تحدث المنتج أحمد السبكي، عن عرض فيلم الملحد بطولة الفنان أحمد حاتم، في دور السينما، وذلك بعد سلسلة من التأجيلات وآخرها الأيام الماضية بعد أن كان مقررا عرضه يوم 14 أغسطس.
وقال السبكي لـ القاهرة 24، إنه حتى الآن لم يتم تحديد الموعد النهائي للعرض الخاص لـ فيلم الملحد في السينما، معلقًا: لسه قدامه 5 أو 6 أيام علشان يجهز، ويا ريت يتعرض لو النسخة خلصت ممكن نعمل العرض الخاص يوم الأربعاء الجاي، والموضوع متوقف على الانتهاء من تجهيز نسخة الفيلم.
عرض فيلم الملحد
وكان المخرج أحمد السبكي، أوضح في تصريحات سابقة لـ القاهرة 24، أن فيلم الملحد لم يمنع عرضه كما أُشيع، موضحًا: الفيلم هيتمنع إزاي ومين اللي هيعوضني؟، وإيه اللي دخل الدين في الموضوع، إحنا ناس مسلمين وأكيد مش بنهاجم الدين في الفيلم، وأنا مليش علاقة بالمشايخ والأزهر والرقابة بتاعتي هي المصنفات الفنية وهي مرجعي، والفيلم حتى لو اتعرض على الأزهر مش هيترفض عشان مش ضد الدين.
وأكد تأجيل طرح فيلم الملحد، الذي كان من المقرر عرضه شهر أغسطس الجاري، وقال في تصريح سابق لـ القاهرة 24: سيتم تأجيل عرض فيلم الملحد حتى تنتهي أعمال المونتاج والمكساج للفيلم، وليس بسبب حملات المقاطعة أو ما شابه.
