شيرين عبد الوهاب: روتانا أعلنت الحرب عليا.. وعايزين يمتلكوني في الحفلات والعقد بينا انتهى
قالت الفنانة شيرين عبد الوهاب، إنها تعتبر الأغاني التي طرحتها شركة روتانا مسروقة، وذلك لأن الشركة لا يوجد لديها مستندات تنازل عن هذه الأغاني منها، موضحة: الأغاني اللي روتانا نزلتها بصوتي يعتبر مسروق، لأنهم ممعهمش تنازل مني، وأنا رفعت قضية بالتعويض، لأن الأغاني بتاعتي مش المفروض تنزل سينجل، المفروض تنزل ألبوم على بعضه.
وأضافت شيرين عبد الوهاب في تصريحات خاصة لـ القاهرة 24: روتانا كسبت من أغنية كلها غيرانة كتير أوي، والمفروض اللي ينزل الـ 12 أغنية بالكامل، الألبوم كله مع بعض، بس هما خدوا الأغاني دي منزلوهاش، لأنهم عايزين شيرين حصري حفلات، لأن اللايف والحفلات بتكسب أكتر، يعني اللي عايز شيرين عبد الوهاب في حفلة يكسب روتانا، ودا مينفعش معايا.
القاهرة 24 ينشر كلمات أغنية شيرين عبد الوهاب الجديدة بتمنى أنساك
بتمنى أنساك زي ما أنت نسيتني في يوم
بتمنى أنساك وأنسى إني حبيتك يوم..
وييجي النوم أو ييجي الموت.. بس يسكت صوت
الآها والعتاب واللوم اللوم.. بتمني أنساك.. أنا بتمنى أنساك
هو أنا حبيتك ليه؟ صدقت كلام أوهام.. وصحيت على نار وآلام
كان قلبي وحيد مرتاح وأنت اللي مليته جراح
خليتني أحبك ليه.. لما أنت محبتنيش؟
وازاي أنا بموت وتعيش وعينك بتنام؟
بتمنى تزول ملامحك من بالي تزول
سبق وأعربت الفنانة شيرين عبد الوهاب عن استياءها الشديد بعد بيان شركة روتانا، الذي أصدرته أمس، مؤكدًة أنها إذا تعرضت الشركة لها ستطلب تعويض لا يقل عن 100 مليون دولار أمريكي.
