إسعاد يونس: قبلت إن شريهان تبقى ضرتي عشان جوزي كنز.. وهي حبتني وشافتني قدوتها
تحدثت الإعلامية والفنانة إسعاد يونس، عن ضرتها الفنانة شيريهان، التي تزوجها زوجها علاء الخواجة منذ عدة سنوات، مشيرةً إلى أنها تقبلت فكرة الزوجة الثانية بصدر رحب، بسبب حبها وحرصها على استقرارمنزلها.
وقالت إسعاد يونس خلال لقائها ببرنامج AB talks، تقديم الإعلامي أنس بوخش: في الأول كنت في حالة صدمة وغيرة وبكاء، وبعدين قعدت أفكر هل أنا مثالية وجميلة الجميلات؟ لأ طبعا، والراجل ده أنا بحترمه وممكن أتخلى عن كونه يتجوز مقابل إني معايا كل الكنز ده.
وتابعت إسعاد يونس: كمان الولاد كانوا سبب كبير في إني أكمل في علاقة الزواج بعد جوازه للمرة التانية، وأفضال الراجل ده عليا كبيرة، وابتديت أهدى لأن الظروف جمعتنا أنا وضرتي ولقيت إنهم حبوا بعض وهي شايفاني قدوتها، وهي هتخلف وهيبقى في شراكة دم بيننا، وكان لازم أخلي الوضع ده متحضر.
إسعاد يونس: شريهان لو كنت طلبت منها عينيها كانت هتديهالي
وأردفت إسعاد يونس: هي في الأول كانت متضايقة من الهجوم اللي كان عليها، ولو كنت طلبت منها عينيها كانت هتديهالي، وأنا حبيت إنسانيتها جدا وقدرتها على التحمل وصمودها أمام المصايب، واحتياجنا لبعض كان لأن بناتها مينفعش يتربوا في وضع مش صح، وبنعيش كلنا في حالة عائلية وسلام وأنا مش مضطرة أدخل في حروب.
