مسلم يعلن فسخ عقده مع المنتج سلطان الشن: مش هيتقفلي أغاني تاني
أعلن مطرب المهرجانات مسلم فسخ العقد بينه وبين المنتج سلطان الشن، وذلك بعد أزمته الأخيرة معه والتي أدت إلى قفل أغانية، على جميع المحطات الموسيقية.
مسلم يعلن فسخ عقده مع المنتج سلطان الشن
ونشر مسلم فيديو له عبر حسابه الرسمي بـ موقع تبادل الصور والفيديوهات إنستجرام قال فيه: النهاردة أكتر يوم مبسوط فيه في حياتي.. يوم تخلصت من ذل وتعب وإرهاق ومعافرة، النهاردة تم فسخ العقد بيني وبين المنتج سلطان الشن، وبشكر ربنا والدكتور حسام لطفي على أنه خلصني من المعافرة وكان نفسي تخلص من غير مشاكل واستنيت قانون بلدي ونفسي أبقى في حالي والموضوع كان معطلني.
وأضاف مسلم: محدش هيشوف قفل أغاني ليا تاني وهستكمل عقدي مع شركة روتانا وكنت نادر أني هعمل خير لله وأي أخت نفسها تفرح وأغني في فرحها تكلمني وهحضر فرحها والحمد لله على كل شيء، ماتنسوش الدعوات لعصام صاصا، ربنا يفك كربه ودعواتكم ليا في اللي جاي.
وكان مسلم أعلن الشهر الماضي انفصاله عن خطيبته يارا تامر للمرة الثالثة وكتب ستوري عبر حسابه الشخصي على إنستجرام وكشف السبب، موضحًا أنهما حاولا كثيرًا استمرار العلاقة دون جدوى، مضيفًا: أنا خسرت كثير أوي من حياتي ووقتي قصاد التجربة دي وفشلت، والحمد لله بحمد ربنا إنه بين لي كل حاجة تخليني أبقى في حالي، وأبعد وآسف لنفسي مرة ثانية، والمرة دي بجد تعلمت الدرس، شكرًا المرادي اتقفل الموضوع نهائي.
