عملاء شركة روسكا جروب للجمعيات يستغيثون من تعرضهم للنصب: قالولنا الأوراق مزورة وخدوا فلوسنا
استغاث عدد من الأشخاص من شركة روسكا جروب للجمعيات واتهموا القائمين عليها بالنصب عليهم والاستيلاء على مبالغ مالية متمثلة في أقساط دفعوها عبر تطبيق الشركة.
عملاء شركة روسكا جروب للجمعيات يستغيثون من تعرضهم للنصب
وقالت إحدى المتضررات من شركة روسكا جروب للجمعيات: أنا مشتركة في شركة روسكا منصوب عليا في 94350 جنيه وكنت المفروض أقبض في شهر 7 قالولي أوراقك مزورة، جيت أكلمهم في التليفون قلت لهم أوراق إيه اللي مزورة، كل ده معايا بالمكالمات بالرسائل.
وأكمل متضرر آخر من شركة روسكا جروب للجمعيات: أنا مشترك مع الشركة من شهر 6 ومعادي أقبض في شهر 8 الحالي، ولما لقيت الناس بتقول إنها ما قبضتش شهر 7 ما رضتش أدفع شهر 7، ولما كلمتهم استفسر عن اللي بيحصل ده قفلوا السكة في وشي كلمتهم تاني يرجعوا لي القسط بتاعي، قالولي هتدفع غرامة.
كما قال متضرر آخر من شركة روسكا جروب للجمعيات لـ القاهرة 24 أنه اشترك في الجمعية، وكان من المقرر أن يقبض في شهر سبتمبر المقبل، قائلا: أنا معاد قبضي في 9 ودفعت 3 أقساط والرابع بتاع شهر 7 مدفعتهوش بس الناس مخدتش ولا جمعية ولا أقساط بتاعتها.
كما انتقد أحد المتضررين من روسكا جروب للجمعيات قائلا: الشركة من شهر يونيو مش بتقبّض العملاء وبتخرجهم بحجج مختلفة من المفروض حتى لو عندك عميل عنده مشكلة من المفروض ترفضه من أول ما بيرفع بياناته على الأبلكيش مش تقبلوا وتستفيد بالفلوس.
