ربنا يديمك سند.. شروق شقيقة نيرة أشرف تعلن خطوبتها
أعلنت شروق شقيقة نيرة أشرف والمعروفة إعلاميا بـ طالبة جامعة المنصورة، والتي لقيت مصرعها على يد شاب أمام أسوار الجامعة، خلال ذهابها لأداء الامتحانات.
خطوبة شقيقة نيرة أشرف
ودونت شروق أشرف، عبر صفحتها الرسمية على فيس بوك: أنا مش مصدقة، ولا عارفة ده حصل امتى وإزاي، في يوم لقيت محمد كلم بابا من غير ما أنا أعرف وقال له أنا هجيب أهلي وهاجي أتقدم لـ شروق.
وواصلت شقيقة نيرة أشرف: من أول ما عرفت محمد وهو بيقولي أنتي حب عمري، ومش هتخلى عنك، ومش هخذلك وهحارب الدنيا كلها عشان أبقى معاكي، وفعلا نفذ وعده وكل كلمة قالها لي نفذها.
واسكملت: محمد الشخص اللي فعلا تمنيته من ربنا، أنا كنت مفتقدة الإحساس بالأمان، ولقيته معاه من أول ما عرفته، وطريقته معايا زي ما هي ما تغيرش، رجولته ليا مش عليا.
واختتمت شروق شقيقة نيرة أشرف: محمد إداني القوة، وأكتر حد نصحني ووعاني على حاجات كتيرمكنتش شايفاها ولا عارفاها في الحياة، أنا حقيقي مبسوطة أوي، ربنا يديمك سند وضهر وقوة ليا.
