أيمن بهجت قمر: أعرف شعراء بتسعى للملذات وبتنتهي.. ونجاحي إني أعمل قيمة لنفسي
تحدث الشاعر أيمن بهجت قمر عن استمرارية نجاحه من مطلع تسعينيات القرن الماضي حتى الآن.
استمرارية نجاح أيمن بهجت قمر
وقال أيمن بهجت قمر في حواره مع بودكاست فايق ورايق، مع الإعلامي إبراهيم فايق: كنت بشوف شعراء أول ما ينجحوا، يدخلوا الاستوديو ومعاهم بنات، أو شاربين، وحياته عبارة عن أنه كل يوم ينزل ويعلق دي ويعرف دي، الشعراء دول انتهوا، لأنهم بينجحوا من أجل الملذات، أنا بنجح عشان أعمل لنفسي قيمة، وأنا قاعد لكم فيها لحد ما أموت وماعنديش غيرها.
وأضاف أيمن بهجت قمر: أنا عندي أكيد فوق 1000 أغنية بالتترات بكل حاجة، ولكن مقدرش أقول إيه هي إيه أحلى أغنية، بس أحلى حاجة أني مستمر لحد النهاردة، وده بالاجتهاد، وبسبب العقدة النفسية اللي عاملهالي والدي إنه ماسبش حاجة ليا، فأنا مش عايز مسبش حاجة لـ عيالي.
وختتم حديثه: البيت اللي أنا متربي فيه كان فيه نجاح ومجد وفلوس، وكل حاجة، وفجأة مبقاش فيه فلوس، ده عاملي عقدة نفسية، لذلك عندي حاجة كدا اللي هو أفضل شغال وألف، مش عايز أمُر أو أعدي بمرحلة أن مفيش فلوس، أنا قاعد فيها لحد ما أموت، مش هسيبها ومعنديش حاجة غيرها.
فيلم ريستارت
يشار إلى أن آخر أعمال المؤلف أيمن بهجت قمر، هو فيلم بعنوان ريستارت، بطولة الفنان تامر حسني، هنا الزاهد عمرو عبد الجليل، ومن إخراج سارة وفيق، ويعكف صناعه على إنهاء تصويره؛ تمهيدًا لعرضه ضمن موسم أفلام رأس السنة 2025.
