محمد علي رزق: شخصيتي في صيد العقارب ضغطتني نفسيًا.. وطردت مراتي وابني بسببها
حل الفنان محمد علي رزق، ضيفًا على الإعلامية فاطمة مصطفى، في برنامجها الراديو بيضحك، المذاع عبر محطة راديو 9090، وتحدث خلال اللقاء عن كواليس أعماله التي شارك بها في الموسم الرمضاني 2024، وهم مسلسلا جودر، وصيد العقارب، وحقق من خلالهما نجاحًا كبيرًا.
أبرز تصريحات محمد علي رزق
- وافقت على مسلسل جودر قبل ما أقرأ الدور وده لمجرد فكرة ألف ليلة وليلة، ومكنتش قلقان خالص لأن العمل فيه كل مقومات النجاح.
- ألف ليلة وليلة ثقافتنا إحنا ومكناش قلقانين من التجربة.
- كنت سامع إشاعات كتير أن غادة عبد الرازق صعبة في اللوكيشن، ولكن لقيت أنها ست جميلة ومفيش أطيب منها.
- غادة عبد الرازق عكس اللي بيتقال عليها.
- مبحبش أتفرج على نفسي بعد التصوير، ولما بشوف نفسي بتبرجل.
- بحب أدوار الشر علشان مغرية، هي بعيد عني وأنا مقدرش أبقى شرير مع الناس في الحقيقة.
- دوري في مسلسل صيد العقارب كان أصعب دور في المسلسل بشهادة الجميع.
- 5 زملاء كانوا مترشحين قبلي لـ شخصيتي في مسلسل صيد العقارب.
- مكنش عندي أي مرجع لشخصيتي في صيد العقارب غير كلام الدكاترة عن الشلل الدماغي.
- مراتي شافت معايا والويل وقت تدريبي على شخصية مصطفى ضرغام في صيد العقارب، وطردتها هي وابني من البيت علشان أعرف أحضر للشخصية.
- الدور ده كان ضاغطني نفسيًا جدًا، وقبل رمضان بيوم كنت عند أمي في البيت وانفجرت فيهم بسبب الدوشة، وأنا بقيت أعيط زي العيال الصغيرة وقولتلها كنت مرعوب أفشل بسبب صيد العقارب.
- لو كنت فشلت في شخصية مصطفى ضرغام، في صيد العقارب كنت هقعد في البيت.
- بوست إيد رياض الخولي وقت ما أشاد بيا في مسلسل صيد العقارب.
