شيرين عبد الوهاب: حسام حبيب مسرقش دهبي.. وبقوله فين عربيتي والساعات الرولكس بتاعتي؟| خاص

كشفت الفنانة شيرين عبد الوهاب، تفاصيل جديدة حول هوية الشخص الذي سرقها، مشيرةً إلى أنها لن تلجأ للقضاء وتريد من الإعلام أن يأخذ حقها. 

وقالت شيرين عبد الوهاب خلال تصريحاتها لـ القاهرة 24: الشخص ده بيسخن حسام عشان يلهيه عن الدهب اللي سرقه، وحسام بالفعل جه وقالي إن الناس اللي شغالين عندي هما اللي سرقوا الدهب، وفجأة كده لقيت علبة الدهب الباب بتاعها من فوق مش بتتقفل وهي تقيلة وجديدة، لقيت المفصلات بتاعتها من كتر العنف اللي أخد الدهب بيه، كسرها، ودي لو مسروقة من عندي في البيت الشغالة هتاخد سلسلة أو اتنين براحة لكن اللي أخدها أخدها بعنف.

وتابعت شيرين بعد الوهاب: وفي الآخر قالي الناس اللي عندك حرامية، وزعلت منه جدًا ومش سايبني في حالي ومش عايز صحابي يزورني وبيقولهم محدش يزورها ويروحلها، بصفتك إيه أنت مين بيتكلم؟.. مربيلي الرعب أنا وعيالي، وكنت بتقي شره ولما جيت أدي حسام الفلوس، قولت هيحاسب الشخص ده ولكن محصلش.  

شيرين عبد الوهاب: مش هلجأ للقضاء وعايزة الإعلام يجيبلي حقي

وأردفت شيرين عبد الوهاب: مش هلجأ للقضاء ومش هحبس حد، وعايزه الإعلام اللي يجيبلي حقي، وأنا خايفة ومش عارفه أعيش حياتي وبستغيث، ما هو لازم أكلمه وأتواصل معاه، ملكوش دعوة بالخزنة أنا مسامحاه، أنا عايزه حساباتي فين العربية بتاعتي اتباعت بكام؟، والساعات الرولكس اللي اتاخدت جابت كام، ده جزء من حقه بقى اللي هو إيه حقه؟ إنه كان بيمسك إيدي ويطلعني على المسرح؟!

شيرين عبد الوهاب تستغيث من حسام حبيب

وفي وقت سابق استغاثت شيرين عبد الوهاب من حسام حبيب، حيث كشفت الفنانة أنها تتلقى تهديدات من طليقها السابق، وأكدت أنها تعيش في حالة رعب بسبب التهديدات والرسائل التي تتلقاها منه، حيث قالت: حسام حبيب بيهددني وبيتبلى عليا، أنا مش صغيرة وست عندي بنتين في أخطر مرحلة في حياتهم، بناشد المسؤولين، الراجل ده ضيعني وبيهددني بـ بناتي وبيقولي كلام يدخله السجن.