أقوال شقيقة المتهم بالاعتداء على ابنة شقيقه بالهرم: بنت أخويا مش أول مرة تتهم حد من قرايبها
يواصل القاهرة 24 نشر التحقيقات في القضية رقم 17526 لسنة 2024 جنح الهرم، المتهم فيها شخص بمحاولة اغتصاب ابنة شقيقه، مستغلا غياب زوجته عن المنزل محاولا الاعتداء عليها داخل غرفتها بمنطقة الهرم.
أقوال شقيقة المتهم بالتعدي على ابنة شقيقة بالهرم
وحصل القاهرة 24 على نص التحقيقات في القضية، وجاءت أقوال شقيقة المتهم بالتعدي على فتاة الهرم المعتدى كالتالي: أنا مديحة عبد الفتاح، وسبب حضوري إلى سراي النيابة عشان أشهد باللي حصل، لإن هبة بنت أخويا، وإسلام يبقى أخويا، وأنا حابة أقول أن هبة أكثر من مرة تتهم حد من أعمامها أو قرايبها وتقول عليهم إنهم بيعملوا معاها حاجات مش مظبوطة، وهي من شهر 11 أبوها في الحبس وهي قعدت شوية عند أخوها هيثم وبعدين راحت قعدت مع عمها إسلام من نص شهر رمضان.
وأضافت: في يوم 2024/4/12 على الساعة 6 المغرب كدة لقيت إسلام جايب هبة وباين عليهم إنهم منفعلين وراح سايب هبة ومشي، فسألته أيه اللي حصل فقال لي إن فيه مشاكل بينهم، ولما سألتها إيه اللي حصل قالت مفيش حاجة، وثاني يوم لقيت الحكومة جت بيتي وأنا برا وخدوا هبة وده كل اللي حصل، والعلاقة بين المتهم والمجني عليها كانت علاقتهم كويسة وهي مشتكتليش من حاجة.
وبسؤال شقيق المتهم: ما قولك فيما شهدت به المجني عليها بالتحقيقات من مواقعة المتهم لها بغير رضاها عدة مرات حال وجودها بمسكنه، أجابت قائلة: أنا معرفش بس مش مصدقة الكلام ده خصوصا وإن إسلام مش هو اللي فض غشاء بكارتها لأنها من حوالي سنة غلطت مع واحد خطيبها اسمه مؤمن، وممكن تكون هبة عملت كل ده عشان عايزة ترجع تقعد مع أخواتها.
س: ما قولك فيما شهدت به المجني عليها بالتحقيقات من أنه حين قام المتهم باصطحابها إليك أخبرتك بما ارتكبه المتهم؟
ج: لا محصلش هي في الأول لما سألتها قالت محصلش حاجة بعد كدة قالت لي إن فيه تسجيل معاها هتبعتهولي وأنا معرفش اللي حصل.
س: هل قمت بالاستماع على ذلك المقطع الصوتي المسجل؟
ج: لا.
س: ما الذي منعك من الاستماع إليه؟
ج: هي مبعتوش
س: ما قولك فيما شهدت به المدعوة صابرين.أ.ع.ا.ا، من أن المجني عليها أبلغتها بأنك استمعت المقطع الصوتي المسجل وعليه قمتي بنهر المتهم على فعلته؟
ج: لا الكلام ده محصلش.
س: لماذا شهدت سالفة الذكر بذلك؟
ج: معرفش.
س: ما قولك فيما قرره المتهم بتحقيقات النيابة العامة من أن الحديث بالمقطع الصوتي المسجل دار بالفعل بينه وبين المجني عليها ؟
ج: مش عارفة.
س: ما قولك فيما قرره المتهم بتحقيقات النيابة العامة من قيامه بوضع يده على أثداء المجني عليها؟
ج: مش عارفة أنا طول عمري عارفة أن أخويا كويس.
س: لماذا قرر المتهم بذلك إذا؟
ج: معرفش.
