الدكتور جمال شعبان عن وفاة والدة لاعب الملاكمة حمزة تامر: الزعل بيكسر القلب
توفيت مساء أمس الأحد، والدة لاعب الملاكمة حمزة تامر، لتلحق بابنها الذي لقي مصرعه غرقًا داخل حمام السباحة بـ نادي الترسانة بمنطقة العجوزة في الجيزة، وبعد مرور أيام قليلة على وفاته حزنًا عليه.
الدكتور جمال شعبان يعلق على وفاة والدة لاعب الملاكمة
وقال الدكتور جمال شعبان، مدير معهد القلب السابق، في منشور له عبر صفحته بموقع التواصل الاجتماعي فيسبوك: رحم الله أم اللاعب حمزة تامر، اللي أمه ماتت من الزعل عليه بعد وفاته بأيام، هل الزعل فعلا بيتعب القلب؟.. ناس كتير بيسألوني.
وتابع الدكتور جمال شعبان، مدير معهد القلب السباق: الزعل بيكسر القلب فعلًا، دي حقيقة علمية وحالات إكلينيكية واقعية بنشوفها، مش كناية بليغة ولا تعبير مجازي، القلب اللي على اليمين في الصورة قلب مكسور، شايفينه ضعيف وانكمش ازاي، والقلب اللي على الشمال قلب سليم، محتفظ بقوامه وشكله ووظيفته.
وأضاف الدكتور جمال شعبان: الزعل والصدمات العاطفية والفشل في الحب وفقدان الأحبة بيكسر القلب، وممكن ينتهي بموت مفاجئ، الزعل ينشط الأدرينالين والنور أدرينالين، وبيحبط إفراز هورمونات السعادة زي السيروتونين.
وتابع: ودا بيعمل زي شلل في عضلة القلب، وترهل وتمدد في القلب بيبقي زي البالون، والعلماء سموا الحالة دي متلازمة القلوب المنكسرة، هي منكسرة عاطفيًا وعضويًا Broken heart syndrome.
