حماة أمير أحد المتهمين بالتسبب في وفاة سوداني بالهرم: زوج بنتي كلمني وقالي أنا واقع في مصيبة ولما حكالي قلتله سلم نفسك
أحالت جهات التحقيق المختصة، 7 متهمين إلى المحكمة الجنائية بتهمة القتل العمد، وذلك على خلفية قيامهم باحتجاز شخص على إثر وجود معاملات مالية بينهم سالبين حريته، حيث تطور الأمر إلى قيام المجني عليه بمحاولة الهروب من خلال الشرفة ليسقط الأمر الذي أحدث إصابته التي أودت بحياته.
وقالت حماة أمير أحد المتهمين بالتسبب في وفاة سوداني بالهرم:اللي حصل ان بنتي اسمها استشهاد متجوزة من واحد اسمه أمير كاظم منذور بس هما كاتبين الكتاب ولسة مدخلوش یعنى بنتى مش قاعدة معه في الشقة ويوم السبت اللي فات الموافق /11/25/ 2023 كان عندنا مناسبة وبنتي طلبت منى أروح الشقة بتاعتها أجيبلها حاجات مكياج عشان المناسبة اللى عندنا.
وتابعت: طلعت فعلا على الشقة بتاعة بنتي وأمير زوج بنتي وأول ما وصلت طلعت دخلت البيت ملقتش حد في البيت وجبت لبنتي الحاجات اللي كانت عايزاها ونزلت من الشقة، وأنا خارجة من العمارة قابلت البواب ومراته ومراته سألتني انتي منتقبة ليه قلتلها عشان حاطة مكياج، وقالتلي أصل فيه واحد وقع من العمارة والدنيا مقلوبة قلتلها خير ان شاء الله وسبتها ومشيت وروحت.
وأكملت: بعد ما روحت بشوية لقيت أمير زوج بنتي بيتصل عليا بيقولى الحقيني أنا واقع في مصيبة هو بيعتبرني زي والدته قلتله ايه حصل قالى ان المتوفى كان بينه وبين ناس مشاكل وأمير خلصه وخده منهم على بيته وواحد من الناس دى جم وراه وطلع على الشقة بتاعة أمير ومرة واحدة الولد اللى مات رايح على البلكونة كان بيحاول يهرب بس رجله فلتت ووقع على الأرض فقولتله خلاص مدام است برئ روح سلم نفسك عشان الدنيا متبوظش أكثر من كده قالها هجيب الولد اللي كان معانا في الشقة عشان هو ده سبب برائتي وهسلم نفسى وقفل معايا بعد كده وقفل تليفوناته كلها ومعرفش
عنه حاجة من ساعتها.
