شريف مدكور: لما جوزك ينتقد شكلك قوليله بص لنفسك في المرايا
كشف الإعلامي شريف مدكور، مدى تأثير الكلام السلبي على نفسية الشخص، مشيرًا إلى أنه لا يتأثر بأي انتقادات، ولديه حب شديد لنفسه.
وقال شريف مدكور خلال برنامج 4 شارع شريف: أنا مبسوط إني منفرد بحاجات محدش يعرف يعملها، والمجتمع شايف إني مختلف وده مديني ثقة بالنفس.
وأضاف بشأن الانتقادات التي تعرض لها بسبب إطلالته في مهرجان العلمين: أنا قريب كنت لابس جاكت مشغول بحاجات معينة لكن في ناس انتقدتي وقالت إيه القرف ده.. لكني قعدت أتفرج على نفسي وقلت حلو أوي وعاجبني الجاكت، وفيه جزء مني واللي يقول يقول.. اللي عاجبه أهلا وسهلا اللي مش عاجبه يبص الناحية التانية.
كما وجه شريف مدكور نصيحة للزوجات اللاتي يتعرضن للتنمر من أزواجهن، قائلًا: لما جوزك يقولك جسمك عامل كده ليه وشكلك بقى عامل كده ليه.. الرد الأمثل عليه قولي له روح بص لنفسك في المرايا وشوف والدتك وأختك شكلهم عامل إيه؟
على جانب آخر، كان شريف مدكور تحدث عن إصابته بالسرطان وقال: عدى خمس سنين على إصابتي بالسرطان، رحلة جميلة وبحمد ربنا على كل حاجة وأنا معنديش تاريخ وراثي في العيلة لكن جالي بسبب الزعل.. المرض لو مش وراثي بييجي من صدمة نفسية أو زعل زيادة عن اللزوم أو ضغط زيادة عن اللزوم.
كما وجه شريف مدكور نصائح لمصابي السرطان: لو شعرك وقع ما تشتريش باروكة.. لازم تكوني فخورة بنفسك وشكلك وتعرفي إن شعرك هيطلع أحسن من الأول.. وأي حد هيدخل على الكيماوي حاولي تقصي شعرك كله أو نصه فلما يقع ما تتخضوش، ولما تتصاب اوعى تتكسر خليك جامد علشان لو اتكسرت والمناعة وقعت المرض بيكون المرض شرس.
