هشام عاشور لـ القاهرة 24: الشعب كله هيتفرج على الملحد.. ولازم تكون فيه شجاعة لمناقشة المشكلات الحقيقية
علق الفنان هشام عاشور على الانتقادات التي تعرض لها صناع فيلم الملحد، مع إعلان موعد طرحه في السينمات، حيث تقرر طرحه يوم 14 أغسطس المقبل.
وقال هشام عاشور لـ القاهرة 24: الناس كلها هتتفرج على الفيلم ومن المرات القليلة جدًا إن فيه ناس بتناقش مشاكل حقيقية موجودة تحت الترابيزة والناس بتقول آرائها بحرية، والكاتب قايل رأيه بحرية، وأنا صورت مشهدين فيهم مشهد مهم جدًا، ولما الناس تتفرج هتكون واحد تاني خالص.
وأضاف عن رأيه في الانتقادات التي يتعرض لها صناع الفيلم: كل الشعب هيتفرج عليه وكل الناس اللي بينتقدوا هيتفرجوا على الفيلم، وإحنا وصلنا لمرحلة لازم تكون فيه شجاعة والناس تتكلم عن المشكلات الحقيقية اللي تحت الترابيزة، لكن السكوت غلط 100%، وعلى سبيل المثال المثلية في بلاد معنية مصرح بها هل معنى كدا إن كل البلد مثليين.
برومو فيلم الملحد
وطرح المنتج أحمد السبكي البرومو الرسمي لفيلم الملحد استعدادًا لبدء عرضه في السينمات يوم 14 أغسطس المقبل، وظهر بالإعلان تطرق الأبطال في حديثهم عن فكرة الإلحاد ومدى تأثيرها على المجتمع وانتشار هذه الظاهرة بين الشباب.
وتدور أحداث الفيلم في إطار درامي حول قضية التطرف الديني والإلحاد الذي يصيب الشباب وينتشر بيهم، فيلم الملحد من بطولة شيرين رضا، محمود حميدة، أحمد حاتم، حسين فهمي، صابرين، تارا عماد، هشام عاشور، نجلاء بدر، أحمد السلكاوي وغيرهم، ومن إخراج ماندو العدل وتأليف إبراهيم عيسى.
وفي وقت سابق، تم إعلان حصول الفيلم على تصريح للعرض من قبل جهاز الرقابة على المصنفات الفنية برئاسة خالد عبد الجليل تحت تصنيف عمري +16 للكبار فقط.
