الغزالة رايقة.. منة عدلي القيعي: غناء الأطفال بمخيمات غزة لكلماتي بيسعدني
أعربت الكاتبة والشاعرة منة عدلي القيعي، عن سعادتها بانتشار أغانيها في مخيمات الفلسطينيين، ما يخفف من وطأة أزمتهم.
وقالت منة عدلي القيعي خلال تصريحات تليفزيونية: بتبسط لما الأغاني بتاعتي بتشتغل في فلسطين والمخيمات، وبشوف فيديوهات لأطفال بتغني الغزالة رايقة أو إيه اليوم الحلو ده.
منة القيعي: مهتمة أعمل أغنية تفرق نفسيا مع الناس
وواصلت منة عدلي القيعي: كل شوية الناس تسألني مش بعمل أغنية عن أحداث فلسطين ليه؟، وده عشان أنا مهتمة بس دلوقتي إني أعمل أغنية تفرق نفسيا مع الناس، وتوصلهم إننا مش في وضع ضعف إحنا بندفع تمن غالي.
أعمال منة عدلي القيعي
وفي سياق مختلف، سبق وتحدثت منة عدلي القيعي عن مكالمتها مع الراحل عمار الشريعي، وعن سر حبها للأغاني ودور والدها الكابتن عدلي القيعي في مشوارها الفني، وقالت منة خلال تصريحات تليفزيونية: أبويا كان صديق شخصي لـ عمار الشريعي، وسرقت نمرته من تليفون أبويا وكلمته وأنا في العشرينات، وقولتله أنا بكتب وعايزة أسمعك اللي أنا بكتبه قالي سمعيني وقعد معايا على التليفون نص ساعة، عمار الشريعي قالي أنتي عندك أفكار غريبة بس معندكيش بحور ووزن وقافية.. فكل ده شدي عليه السيفون، ووقتها روحت للشاعر صلاح فايز.
