تامر عبد المنعم عن صداقته بـ حسني مبارك: نجمي طلع بعد نزوله من الحكم.. ولم أتخلى عن أسرته في أزمتها |فيديو
كشف الفنان تامر عبد المنعم، تفاصيل علاقته بـ الرئيس الراحل حسني مبارك وأسرته، مشيرًا إلى أنه لم يتسغل صلة الصداقة بينهما أو العمل بواسطته.
وقال تامر عبد المنعم خلال ندوته بـ القاهرة 24: أنا نجمي طلع بعد ما مبارك نزل من الحكم، ومع ذلك لم أتخلى عنه لأن عيب نتخلى عن ناس لينا فيهم وكان أبويا شغال معاه ومينفعش أكون ناكر للجميل، بالإضافة إلى قناعتي الشخصية وأنا بحبه، ووقفت للآخر مع أسرته لأني راجل مش متحول زي ناس كتير عملت كدة.
وتابع تامر عبد المنعم: اللي كان معاه لغاية 23 يناير، ثم انقلب عليه في 11 فبراير أنا لا يمكن أحترمه، وأنا الحمد لله لم أتحول، وعلاقتي مازالت مستمرة بأستاذ علاء وجمال مبارك بسأل عليهم وعلى سوزان هانم، لأني مكنتش بعرفهم عشان حسني مبارك، أنا بعرفهم لشخصهم.
تامر عبد المنعم: الشهرة شهوة زي الجنس
كما علق تامر عبد المنعم، على مشاهير التيك توك وصناع المحتوى الذين بإمكانهم فعل أي شيء من أجل الشهرة، حيث قال: كل يومين نلاقي بلوجر مقبوض عليها وتقول هما اللي قالولي ومكنتش أقصد ومعملتش حاجة حرام، وعموما الشهرة دي شهوة زي الجنس، واللي بيجري ورا الشهرة بـ هوس لا بد من معاقبته، إنك تعمل أي شيء عشان الشهرة وتحقيق اللذة والنشوة.
