خال محمد عمرو لاعب الكانوي والكياك: ابننا راح يفك عن نفسه رجع في كفن
عبّر خال اللاعب الراحل محمد عمرو مصطفى لاعب نادي الكهرباء لـ الكانوي والكاياك، عن غضبه تجاه نادي الكهرباء؛ بسبب عدم توفر الحماية والسلامة لـ اللاعب الراحل.
تصريحات خال محمد عمرو مصطفى
وقال خال اللاعب محمد عمرو مصطفى، في تصريحات تليفزيونية: زميله محمد أخبرنا أن القارب كان مقلوبًا ولم يكن موجودا فيه.
وواصل: إزاي يكون فيه نادي يدخل بطولات جمهورية ومفيش حد معاه يتابعهم.. لاعبنا الراحل محمد عمرو مصطفى خاض التدريبات من دون إجراءات الأمن والحماية.
واستكمل خال اللاعب: المدرب كان معهم في البداية ثم تركهم، ولم يكن هناك أحد يتابعه ولم يتوافر له إجراءات السلامة.
وأردف: عرفت أن فيه قرار طلع ضد النادي، بس أنا عندي سؤال.. هو لازم يحصل كارثة عشان الإجراءات تطلع؟ وليه مناخدش إجراءاتنا من الأول تفاديًا لكارثة زي دي والرياضة بقت عبء نفسي علينا مش حاجة ترفيهية، ويعني ايه أودي ابني يتمرن ويفك عن نفسه وأجيبه في كفن؟.
واستطرد خال محمد عمرو مصطفى في تصريحاته: الحادثة تمت عند كوبري 15 مايو ووهو وزميلته نزلوا التدريب لوحدهم.
وأتم تصريحاته قائلًا: حق محمد عند ربنا ونتمنى ميبقاش فيه زي محمد تاني، لأن طول ماهو مفيش إجراءات سلامة هيبقى فيه زي محمد كتير.
