بعد إخلاء الباعة.. تجار سوق الحبشي بالمنيا يستغيثون لتوفير مكان بديل: كلنا هنتشرد ورزقنا هيروح
استغاث المئات من تجار الخضار بسوق الحبشي فى محافظة المنيا باللواء عماد الكدواني، محافظ المنيا؛ بسبب إخلاء سوق الحبشي دون وجود بديل؛ حيث إن السوق تجاوز عمره أكثر من 100 عام، وهو المكان الوحيد لتجار الجملة للخضار بالمنيا.
استغاثة تجار سوق الحبشي في المنيا
وقال مختار أبو ضيف، تاجر بسوق الخضار: إننا ليس لدينا مشكلة فى الإخلاء، ولكن نريد وجود بديل ننتقل إليه. وأضاف لـ القاهرة 24: أنا موجود وبسدد ضرايب من سنة 1980 في هذا السوق، ولسنا ضد الإخلاء ولكن نحتاج سوق يليق بمحافظة المنيا أسوة بباقي المحافظات.
استغاثة تجار سوق الحبشي في المنيا: محتاجين بديل مناسب
وأوضح أبو ضيف: إحنا بنجيب الخضار للمحافظة كلها، لأننا تجار جملة ولو مشينا دلوقتي بدون بديل هيكون صعب جدا.
استغاثة تجار سوق الحبشي في المنيا: إحنا موجودين هنا من سنة 1980
وأضاف أشرف التلاوي: إحنا موجودين في السوق من سنة 1980.. وكل المحافظات معمول ليها أسواق جملة إلا محافظة المنيا.. مافيش سوق رسمي ليها.
واختتم: معندناش أي اعتراض نتنقل في أي مكان بس يكون في مكان يشمل كل الناس اللي في السوق، لأننا ملتزمين بعمالة وكل واحد عنده محل ملتزم بأسر ولو اتشردنا هيتشردوا معانا.
