أمين الفتوى لـ سيدة: إحنا مش في الجاهلية عشان تجوزي بنتك مقابل سد الدين
انفعل الشيخ عويضة عثمان، أمين الفتوى بدار الإفتاء المصرية، في رده على سؤال متصلة قائلة: أنا ست كبيرة واستلفت فلوس من واحد 56 ألف جنيه، علشان أعمل عملية لبنتي، ومش قادرة أردهم ليه، فهو قالي خلاص أتجوز بنتك الصغيرة بعقد عرفي لمدة 6 أشهر مقابل الفلوس دي، وأنا رفضت وقلت له دي يتيمة، ومش عارفة أعمل إيه؟.
وقال أمين الفتوى بدار الإفتاء المصرية، خلال تصريحات تليفزيونية اليوم الثلاثاء: جواز مؤقت هتبيعها، ده كأنه بيشتري حاجة، ده إنسان هقول إيه، طيب هقول إيه في الضمائر اللي ماتت، أعوذ بالله، ده الضمائر ماتت تماما للدرجة دي، الناس مش عايزة تعمل عمل خير للآخرة، إيه يعني؟.. 56000 جنيه وأكيد اللي بيدي الرقم ده أكيد عنده آلاف غيرها.
وتابع: أوعي تفرطي في بنتك ده إنسان ضميره ميت، ربنا يحيي له ضميره، إحنا مش فى الجاهلية علشان يشترى بنتك.
حكم الشرع في زيارة مقامات آل البيت
فيما، تلقت دار الإفتاء المصرية سؤالًا ورد إليها نصه: ما حكم الشرع في زيارة مقامات آل البيت ورجال الله الصالحين؟ وما حكم من يدعي أن زيارتهم بدعة وشرك؟.
وقالت الدار عبر موقعها الرسمي، في فتوى سابقة: زيارة مقامات آل البيت والأولياء والصالحين هي من أقرب القربات وأرجى الطاعات، ومشروعة بالأدلة من الكتاب والسنة؛ مثل قول الله تعالى: قل لا أسألكم عليه أجرا إلا المودة في القربى، وما روى مسلم أن النبي صلى الله عليه وآله وسلم قام يوما خطيبا، فحمد الله وأثنى عليه، ووعظ وذكر، وكان فيما قال: وأنا تارك فيكم ثقلين: أولهما كتاب الله، فيه الهدى والنور، فخذوا بكتاب الله واستمسكوا به.
