محمد الريفي نجم إكس فاكتور: افتكروني باخد مخدرات.. وتشبيهي بـ جورج وسوف شرف
تحدث الفنان المغربي محمد الريفي، عن كواليس مشاركته في برنامج إكس فاكتور، في الموسم الأول، وتشبيه بالفنان جورج وسوف، مؤكدًا أنه سعيد بخوض هذه التجربة التي أضافت إلى مسيرته الفنية.
وقال محمد الريفي خلال لقائه مع القاهرة 24: إكس فاكتور مظلمنيش لأني كملت مشواري بعده، وكنت واثق إني هفوز بلقب، لأني كنت مختلف وبغني بمزاج، لدرجة أن الشركة المنظمة كانوا فاكريني بتعاطى مخدرات، بسبب طريقتي في الغنا.
وأكمل محمد الريفي: كنت ببقى متفق على طريقة غنى معينة مع الفنان حسين الجسمي، كنت بطلع أعمل اللي بمزاجي لأني بحب أتسلطن مع نفسي، وأنا الحمد الله من الناس اللي ظهرت في البرامج وكملت.
وأضاف محمد الريفي: ولسه هكمل في حلمي لأن في ناس مش مصدقينه، وأنا بغني وبعمل كل ده علشان حاجة واحدة مش الفلوس، ولكن لما أكون مع أوئل الفنانين في الوطن العربي هقول للناس اللي مكنتش مصدقاني خلاص صدقتوا دلوقتي.
وأردف محمد الريفي: هما مؤمنين بيا ولكنهم بيستغبوا لما بيقعدوا معاك حتى لو ناجح يبينوا إنك مش ناجح، ولذلك لازم أبين ليهم، ولما فوزت بلقب قُلت ليهم صدقتوني دلوقتي، ولما اتحطيت في مشاكل كانوا عايزين يكسروني ولكن ولا مرة ربنا سابني.
كما تطرق محمد الريفي للحديث عن تشبيه الكثيرين له بالفنان الكبير جورج وسوف، قائلًا: من أول ما ظهرت في إكس فاكتور والناس بتشبهني بجورج وسوف، وده بعتبره حظ من عند ربنا وشرف ليا، لأن عنده قاعدة جماهيرية كبيرة أوي وجمهوره معايا.
أعمال محمد الريفي
يذكر أن محمد الريفي طرح مؤخرًا أغنية قهوة سادة، عبر موقع الفيديوهات الشهير يوتيوب، وهي من كلمات أحمد جابر وألحان حودة وبندق، وتوزيع حاتم محسن، وهي من إنتاج محمود حسان، ومصطفى السويفي.
كلمات أغنية قهوة سادة
وجاءت كلمات أغنية قهوة سادة كما يلي: أنا كنت من الشرفاء اللي بيتغابوا في حب الناس، باجي عند اللي ملهمش قيمة وأديهم قيمة وهما رخاص، وصراحة يسلموا خلوني أتعامل مثل وميري خلاص، أنا نفسي أعرف إيه اللي هيحصل لو جيتو سكة ودوغري.
