لبنى عبد العزيز: مش هرجع للتمثيل إلا بعمل عظيم
طمأنت الفنانة لبنى عبد العزيز جمهورها، عقب تصريحاتها بأنها تعيش حالة حزن كبيرة بعد وفاة شقيقتها الصغرى مؤخرًا، إلى جانب حديثها عن سبب ابتعادها عن التمثيل.
وقالت لبنى عبد العزيز لـ القاهرة 24: أنا كويسة وصحتي جيدة، وبعمل عملي وشغلي وكويسة وكل حاجة تمام وبكتب المقالة بتاعتي وركن الأطفال بتاعي كل أسبوع.. وطول وقت بتابع الأحداث.
لبنى عبد العزيز تكشف سبب ابتعادها عن التمثيل
وبشان ابتعادها عن التمثيل قالت: الحاجات اللي بتتعرض عليا مش في مستوايا.. ومش هرجع للتمثيل لأن مفيش حاجة من اللي كانت بتتعرض عليا السنين اللي فاتت كانت مقنعة بالنسبة لي، في نفس الوقت أنا مش بفكر في الاعتزال لكن لو حاجة ممتازة والإنتاج عظيم والعمل مكتوب كويس هرجع.
وواصلت: معرفش حد من مخرجين النهارده وآخر حد اشتغلت معاه كان علي إدريس.
وسبق أن كشفت الفنانة لبنى عبد العزيز، سبب عدم حضورها جنازة وعزاء شقيقتها الصغرى، مؤخرًا، إذ قالت في تصريح لـ القاهرة 24، إنها تعيش حالة حزن بعد وفاة شقيقتها، وتريد أن تبتعد عن الجميع، مؤكدة في الوقت نفسه أنها تتمتع بحالة صحية جيدة، موجهة الشكر لكل من قدم واجب العزاء في شقيقتها الصغرى.
