سارة سلامة لمنتقدي ملابسها: حرية شخصية واللي مش عاجبه ميشوفنيش
ردت الفنانة سارة سلامة على الانتقادات التي تتعرض لها على مواقع التواصل الاجتماعي بسبب ملابسها، مؤكدة أنها أصبحت لا تهتم بتلك التعليقات السلبية ولا تركز فيها.
وقالت سارة سلامة لـ القاهرة 24: كنت بتأثر زمان بالتعليقات السلبية، لكن دلوقتي مش بركز وأهم شيء إني مقتنعة بنفسي وبكل حاجة بعملها، واللي مش حابب يشوفني ممكن ميشوفش؛ لأني مش هقدر أبرر كل حاجة بعملها في الحياة.
وأضافت سارة سلامة: أنا ممثلة مش موديل، وليا استايل لبس معين، وفي الآخر هي حرية شخصية وكل واحد يقول اللي هو عايز يقوله، ومحدش هيربي التاني، ومش طبيعي كل الناس تجتمع على حب حاجة.
سر اختفاء سارة سلامة عن الساحة الفنية
وفي سياق آخر، تحدثت سارة سلامة في تصريح خاص لـ القاهرة 24، عن سر اختفائها عن الساحة الفنية، قائلة: مش حابة فكرة اختفائي لكن بيكون مش قصدي وبعتذر على أعمال كتير بسبب تكرار الأدوار.. وأنا مهنتي ممثلة مش موديل وبحب الفن من فكرة إني أقدم حاجات مختلفة والفنان لو متعرضش عليه أعمال مناسبة الاعتزال الحل.
وأضافت سارة سلامة: أنا متواجدة، وانتهيت من تصوير مسلسل نقطة سوداء وهيتعرض الشهر القادم، وسبب اعتذاري عن الأعمال إني بحتاج أكتر أفهم فكرة الدور إيه ومع مخرج مين أهم من التواجد وخلاص مش بحب فكرة الانتشار وأنا مش محتاجة ده.
