عمر حسن يوسف: ابتعادي عن التمثيل سببه الشللية الحاكمة.. ودفاعي عن والدي مش بيعجبهم
كشف الفنان عمر حسن يوسف، أسباب ابتعاده عن الفن لعدة سنوات، مؤكدًا أنه ابتعد بسبب سيطرة نظرية الشللية على الساحة بشكل كبير، بالإضافة إلى استبعاد المنتجين له بسبب آرائه التي لا تعجبهم.
وقال عمر حسن يوسف خلال تصريحاته لـ القاهرة 24: مش موجود الفترة دي على الساحة الفنية عشان بشتغل حاجة تانية جنب شغلي، والشللية بقت حاكمة، الناس بتشغل صحابهم وصحاب صحابهم وناس كتير موهوبة وطلعت قبلي ومش بتشتغل.
وأضاف عمر حسن يوسف: هي بقت ملهاش مقياس وأنا مش متضايق لإني آخر حاجة قدمتها كانت مسلسل مع هالة خليل ويحيى الفخراني، ولازم يمشوا الشغل بالطريقة الصح واختبارات تجارب الأداء.
عمر حسن يوسف: الشللية في الوسط الفني بقت حاكمة
واستكمل عمر حسن يوسف: مش بشتغل بقالي سنوات طويلة عشان مش بعرف أسأل الناس على الشغل، لإني موجود والناس عارفة شغلي بس الموزعين مش بيحبوا الناس اللي بتقول رأيها في كل حاجة، واتقالي من منتج داخل الوسط الفني إن اسمي كل ما يتعرض على الموزعين في أي عمل يتقال ده بيقول رأيه وبينتقد كتير.
وأشار عمر حسن يوسف، إلى أنه من نماذج آرائه المثيرة للجدل تصريحاته ودفاعه الدائم عن والده ضد الهجوم الموجه له: بيتم استبعادي بسبب تصريحاتي ودفاعي عن والدي تجاه الانتقادات الموجهة له.
