جوميز: اللي حصل مع رفعت ممكن يحصل لأي حد.. وعلينا تحسين الأمور بمختلف الملاعب
تحدث البرتغالي جوزيه جوميز المدير الفني لنادي الزمالك، عقب الفوز على الإسماعيلي، لحساب الجولة الثلاثين من مسابقة الدوري المصري الممتاز.
تصريحات جوزيه جوميز
وقال جوميز في تصريحات تليفزيونية: يوم غير سعيد للكرة المصرية وللدوري المصري؛ بسبب الموقف السيئ الذي حدث بوفاة أحمد رفعت، وعلينا تحسين كل الأمور في مختلف الملاعب.
وتسائل: هل لو لاعب جاله سكتة قلبية هنعرف نتعامل بسرعة ودا هيتحسن ولا مش هيتحسن؟.
وأردف جوزيه جوميز في تصريحاته: رفعت مبقاش موجود معانا، وحابب أقول إن ممكن تكون كل حاجة اتحسنت واتشافت صح، لكن على الأقل نحسن الموقف، لأن اللي حصل معاه ممكن يحصل في حد تاني فـ نحاول بس نشوف الاستادات والإسعاف وكل حاجة.
وعن مباراة الإسماعيلي، أوضح: يوم سعيد جدا لنادي الزمالك لكن احنا مش سعداء أوي عشان مخلقناش فرص كتير، واللاعيبة دي أول مرة يلعبوا والشوط الأول مدخلش فينا أهداف وكان صفر صفر.
وأشار جوميز: دي حاجة للمستقبل ونبني عليها، واللعيبة اللي جت من الدكة كان عندهم دوافع لتغيير النتيجة، وكان عندنا قلب قوي عشان نرجع في النتيجة بعد التأخر.
وأتم المدير الفني للزمالك تصريحاته: ريحت اللاعيبة النهاردة عشان مكسبناش الماتش اللي فات وأي ماتش بالنسبالي لازم أكسب لأننا الزمالك.
