سيدة تستغيث من إهمال مستشفى زايد التخصصي: رحت أكشف لابني قالوا لي مفيش مكان
اشتكت سيدة عبر صفحتها على فيس بوك من مستشفى زايد الخصصي، متهمة المستشفى تعمد رفض توقيع الكشف على ابنها، وسوء المعاملة وإخراجها من المستشفى دون الكشف عليه رغم سوء حالة الطفل الصحية.
سيدة تستغيث من إهمال مستشفى زايد التخصصي: رحت أكشف لابني قالوا لي مفيش مكان
وقالت السيدة التي تدعى هيام محمود، وظهرت تحمل ابنها وهو يبكي من الوجع في بث مباشر عبر فيس بوك: أنا قدام مستشفى زايد التخصصي فجأة ابني كان تعب وكان بيصرخ بسبب صداع، مكنش ينفع أجيب له أي دوا وخلاص، جيت هنا المستشفى عشان أكشف له، لقيت كام واحد من الدكاترة الصغيرين كل واحد يقول خلي التاني ده يكشف عليه، وفي الآخر قالو لي خلي الدكتورة اللي هناك خليها تكشف عليه، قلت لهم تكشف عليه فين قالوا هنا على الكرسي مش جوا غرفة.
وتابعت: رحت للدكتوة فكلمتني بكل تناكة وبأسلوب وحش جدا، وقالت لي: ماله ابنك، قلت لها عنده صداع وبيعيط من دماغه فردت عليا بأسلوب وحش قائلة: وأنتي كأمه مدتهوش دواء ولا مسكن ليه جايباه هنا ليه؟ فقلت لها أدي له دواء من غير كشف إزاي هوا أنا دكتورة، أنا اتصلت بالصيدلي وقلت له عايزة دواء لابني قالي مينفعش، فالدكتورة ردت عليا بطريقة وحشة وبأسلوب وحش.
وواصلت: وفي الآخر قالت لي مفيش مكان فاضي قلت لها الواد بيصرخ وبيعيط قدامك، ومش هين عليكي تكشف له قالت لي: والله لما يفضى مكان.
وقالت السيدة في استغاثتها: أنا ساكنة جديد هنا ومرضوش يكشفوا له في مستشفى زايد التخصصي، ومش عارفة أروح بابني فين؟
