جريمة الدارك ويب| محرض قاتل صغير شبرا: أمي حنينة.. ومش مؤمن بفكرة العذاب الأبدي
كشف محرض قاتل صغير شبرا الخيمة بجريمة الدارك ويب خلال تحقيقات النيابة العامة، تفاصيل مثيرة في واقعة تحريضه المتهم الأول على قتل أحمد المعروف بصغير شبرا، بعد أن استدرجه لشقة سكنية وقتله تنفيذا لأوامره وتصوير الجريمة لنشرها على موقع بـ الدارك ويب الخاص بتجارة الأعضاء البشرية.
اعترافات محرض قاتل صغير شبرا الخيمة
وحصل القاهرة 24، على نص تحقيقات القضية رقم 1820 لسنة 2024 إداري قسم أول شبرا الخيمة، وبسوال جهات التحقيق للطفل محضر قاتل صغير شبرا الخيمة عن حياته الشخصية واسرتة جاءت أقوال كالتالي:
س: من أفراد عائلتك الأقرب إليك؟
ج: أمي.
س: ما السبب الذي تشعر بأنه وراء قربها إليك؟
ج: علشان هي حنينة وطيبة وبتحسسني بالأمان، وبحكيلها كل حاجة عني ما عدا طبعًا قصة الفيديوهات العنيفة الـGory videos.
س: ولما لم تحكي لها عن تلك الفيديوهات؟
ج: علشان هي حاجة عميقة جوايا، محدش هيفهمها.
س:ما شعورك اتجاه والدك؟
ج: أنا بحبه طبعًا، بس أمي أقرب علشان هو على طول غايب عن البيت وفي الشغل من 8 صباحًا إلى 1 مساءً ودوام مسائي من 4 مساءً إلى 10 مساءً، فبحسه بعيد نفسيًا عني، لكن هو مش سايبنا محتاجين حاجة ماديًا خالص.
س: وهل تبادلت الجنس مع أي من صديقاتك؟
ج: لا خالص، ممكن أحضان خفيفة.
س: كيف تصنف نفسك جنسيا؟
ج أنا بحب البنات بعطف، بس جنسيًا مش زي مانا عايز، بحس إن جنسيًا فيه حاجة مش مظبوطة.
س: بشأن الدين والعقيدة.. ما الدين الذي تؤمن به ؟
ج أنا مسلم تمام، بس من جوة بتصيبني شكوك كثير في وجود ربنا وتقبل نشأة الكون من العدم، فيقيني مش ثابت أوي.
س:هل تؤمن بفكرة البعث بعد الوفاة؟
ج: أنا بفكر في ده على طول، وشايف عنه لما نموت فيه جنة مؤقتة هنروحها لحد يوم القيامة لما ربنا يحكم علينا كلنا، بس فيه حاجة مهمة إني مش مؤمن بفكرة النار الأبدية اللي ربنا هيدخلهلنا.
س: بشأن ما حرمته جميع الشرائع والأديان من قتل النفس، فهل تؤمن بحرمة النفس؟
ج: مفيش حرمة للنفس اللي عايز يعمل حاجة بيعملها، وبعدين يبقى فيه حساب، وأنا مش فاهم يعني إيه ملمسش جسم ثاني الموضوع عادي يعني.
س: وبشأن تاريخك المرضي عضويًا ونفسيًا هل سبق وأن عانيت من أي أمراض نفسية أو تم تشخيصك على يد طبيب مختص بمرض نفسي أو عقلي يؤثر على الإدراك والاختيار؟
ج: لا أنا مبعانيش من أي أمراض نفسية أو عقلية، وفاهم كل اللي بيحصل، بس أن معظم الوقت حاسس إن مشاعري متبلدة، مبحسش بحاجة أوي.
س:هل سبق وأن وصف لك أية أدوية أو عقاقير مؤثرة على الصحة النفسية والعقلية وهل تعاطيت مثيلاتها دون وصفة طبية ؟
ج: لا خالص، لا اتوصفلي ولا أخدت حاجة زي ديه.
س: هل تعاني من أية أمراض عضوية مزمنة أو سبق لك أن عانيت من أمراض عضوية عرضية؟
ج: لا الحمد لله، أنا عندي حساسية على الصدر بس مزمنة.
