طلبت الشرطة وعملت محضر.. فتاة تشكو من معاملة السايس في مصر الجديدة: هددني بالسرقة وتكسير عربيتي |خاص
شاركت إحدى مستخدمات منصة تيك توك فيديو مع متابعيها، تشكو من ما تعرضت له من أعمال البلطجة والتهديد والسلوكيات الغير أخلاقية على حد تعبيرها، من قبل السايس في أحد شوارع منطقة مصر الجديدة.
فتاة تحرر محضر تعدي ضد سايس في مصر الجديدة
وظهرت فتاة تُدعى مارينا راغب عبر فيديو لها عبر حسابها على منصة التيك توك، وهي تشارك متابعيها بـ فيديو تسرد فيه ما تعرضت له من سلوكيات غير أخلاقية وتعدي من قبل السايس بمنطقة كليوباترا في حي مصر الجديدة، وذلك بعد أن طالبها بدفع مبلغ مالي مقابل بقاء سيارتها في الشارع، وهي رفضت ذلك باعتباره ليس مسؤول رسمي لـ تحصيل أي مبلغ مالي في ميدان عام.
وقالت مارينا: أنا طلبت البوليس وعملت محضر تعدي وعدم تعرض لـ السايس اللي موجود في شارع بيروت في حي مصر الجديدة، أنا مش بدي فلوس لـ السايس ومش بعترف أن دي شغلانة أصلًا.. ده بلطجي، ولما ما يخدش اللي هو عايزه، بـ يخبط على العربية ويشتم ويقل أدبه وده غير مقبول، مش من الطبيعي أن يكون في سايس ياخد مني إتاوة عشان أركن في شارع أو ميدان عام.
صاحبة واقعة السايس في حديثها مع القاهرة 24: مش كل يوم هدفع إتاوة لبلطجية
وأكدت مارينا خلال حديثها مع القاهرة 24، أن هذه الواقعة لم تكن للمرة الأولى، ولكنها مُكررة معها بشكل مستمر، قائلة: دا واحد وأخوه بلطجية ومعظم السُكان عاملين لهم محاضر عدم تعدي، وأنا لقيت مكان مناسب وبركن عربيتي وهو منعني من الركنة ولما ركنت العربية، قالي يعني ركنتي بالعافية.. طب أي حاجة تحصل لـ العربية أنا مش مسؤول ولما تيجي تلاقيها مكسورة أنا مليش دعوة.
وواصلت مارينا: ردت عليه قلت له أنت بتهددني وأنا هعملك محضر، وده بعد ما هددني فعلًا وقال لي إنتو مش هترتاحوا غير لما نسرقكوا ونكسر لكم عربياتكوا، ودي مش أول مرة تحصل من سايس.. ومن شهر تكررت نفس الواقعة وسايس تاني في نفس المنطقة كان ماسك شومة ونط على العربية، وبرضو عملت محضر وطلبت الشرطة.
واختتمت حديثها: أنا مش كل يوم هدفع إتاوة لشوية بلطجية، وعملت محضر تعدي وعدم تعرض عشان دي الحاجة الوحيدة اللي ها تحميني أنا والعربية، وعملت الفيديو عشان الناس لازم تفهم أن دول نصابين ولازم مايدفعوش فلوس لهم، الموضوع وصل لـ قلة الأدب والتسول والبلطجة.. ولازم ينتهي.
