بعد تجاوز ثمنه 14 ألف جنيه.. شكاوى من مايوهات هادية غالب: خامته تقيلة وبيوبر
تعرضت هادية غالب لهجوم من مستخدمي السوشيال ميديا لأكثر من مرة خلال الأشهر الأخيرة، وعادت مرة أخرى لتثير الجدل بعد أن زعمت إحدى الفتيات على منصة تيك توك أن جودة المايوهات الخاصة بماركة هادية غالب الشهيرة لا تستحق الأموال الطائلة التي دفعتها لشرائها نظرًا لأن الخامة رديئة ولن تعيش على المدى الطويل.
شكاوى من مايوهات هادية غالب
نشرت فتاة تدعى بشرى مقطع فيديو على منصة تيك توك تصف فيه مايوهات هادية غالب فتقول: المايوه ده الكواليتي بتاعته زباله، أنا بنزل حمام السباحة ساعة بالكتير واطلع.
ثم تابعت حديثها مشيرة إلى شكل المايوه: بصوا كمية الوبر، والقماش نفسه مشقق، وهو معايا بقاله سنتين بس، كمان بياخد وقت طويل جدًا عقبال ما ينشف، لازم من حوالي 4 لـ 5 ساعات، لما قارنته بمايوه تاني كنت جايباه بالصدفة، التاني كان بينشف في أقل من نص ساعة، من الآخر المايوه ميستحقش الفلوس.
ونشرت فتاة أخرى على حسابها بمنصة تيك توك أيضًا مقطع فيديو تنتقد فيه جودة مايوهات هادية غالب، فتقول: مش عارفه ليه محدش اتكلم عن جودة مايوهات هاديه غالب، أنا بحب التصاميم بتاعتها وهي مختلفة بغض النظر عن تصميمات السنة دي.
ثم استطردت حديثها قائلة: بصوا المايوه موبر ومكملش معايا سنتين، ده غير أنه بياخد وقت طويل عشان ينشف عشان خامته تخينه جدًا، وبحس إني مخنوقة وأنا لابساه على عكس المايوهات التانية اللي جربتها.
لون المايوه أجرب
في سياق متصل، نشرت فتاة الشهر الماضي شكوى أخرى بسبب ما تعرضت له من ماركة هادية غالب للمايوهات، حيث وضعت مجموعة من الصور تؤكد تغيير لون المايوه، قائلة: أنا قبل كده اشتريت مايوه من هادية غالب، وبعد سنة لونه أجرب تماما وبعتلها كذا مرة.
وأضافت: بعد شهور في الآخر ردت وده بعد 17 شهر، أنه مش هينفع تغيره علشان عدى عليه شهر على أساس أن المايوه بيقعد صيف واحد، وبعدين صلاحيته تنتهي مثلًا.
