جو هادئ ومشروبات بالمجان.. هكذا استقبل كاهن كنيسة العذراء مريم بعين شمس طلاب الثانوية خلال انقطاع الكهرباء
تزامنًا مع انقطاع الكهرباء وارتفاع درجات الحرارة، قدمت كنيسة العذراء مريم بعين شمس الغربية مبادرة لاستقبال طلاب الثانوية العامة، لتوفير لهم مناخ مناسب للمذاكرة.
كاهن كنيسة العذراء مريم بعين شمس الغربية يكشف تفاصيل استقباله لطلاب ثانوية عامة خلال انقطاع الكهرباء
تحدث القس موسى عبود كاهن كنيسة العذراء مريم بعين شمس الغربية كاهن كنيسة العذراء مريم بعين شمس الغربية لـ القاهرة 24، عن تفاصيل استقبال طلاب الثانوية العامة قائلًا: فتحنا باب الكنيسة للطلاب تزامنًا، وده بسبب قطع النور وارتفاع درجات الحرارة، والمكتبة بالكنيسة مفتوحة كل يوم من الساعة 10 لساعة 9، والجو مريح للمذاكرة، واحنا مش فاتحين بس الفترة دي، وفيه شباب كنسية وشباب الجامعة بيجوا ويذاكروا.
وواصل: أي حد ممكن يحضر ويذاكر، والمكان مفتوح بغض النظر النور بيقطع أو لا، واحنا فاتحين المكان للمذاكرة والأبحاث من 3 سنوات مع وجود مشروب مجاني للطلاب، واحنا مش أول ناس نعمل الفكرة.
وبالنسبة لرد تفاعل الناس مع الفكرة فقال: ده شجع طلاب كتير انها تيجي وتذاكر عندنا، واحنا بنحاول نساعدهم على النجاح، واحنا بنحاول نوفر جو مناسب للطلاب عشان يذاكر، واحنا استفدنا إننا عرفنا الكنيسة لولادها، واحنا ظهرهم دايما وبنساعدهم، ومش ولاد الكنيسة بس لكن الفكرة لكل أهالي المنطقة، والموضوع مشروع مستمر.
