عمرو مصطفى: معنديش مشكلة تستغلوا صوتي بالذكاء الاصطناعي.. وحمو بيكا وبعض الأصوات بيشوهوا صوت أم كلثوم
كشف الفنان عمرو مصطفى، عن أن فكرة مشروعه عن إحياء صوت أم كلثوم بالذكاء الاصطناعي، استغلها بعض المنتجين بشكل خاطئ.
وقال عمرو مصطفى خلال ندوة الموسيقى في عصر الذكاء الاصطناعي، المقامة حاليا بدار الأوبرا المصرية: المنتجين اللي معاهم الحقوق بيخلوا ناس زي حمو بيكا وبعض الأصوات يغنوا لأم كلثوم الأمر الذي يشوه صورتها، وعملوا كده علشان يمنعوا المبدعين من أنهم يطلعوا حاجة كويسة.
وأضاف عمرو مصطفى: علشان يبوظوا الفكرة خدوا فكرتي وشوهوها عن طريق التيك توك وقالوا بص هيعملوا إيه في التراث، لكن إحنا عملنا قيمة محترمة، علشان نزود الإبداع وأصوات جديدة بدال ما نجرب وندفع فلوس كتير.
الذكاء الاصطناعي بيديني رؤية نقدر من خلالها تنتج
وواصل: الذكاء الاصطناعي بيديني رؤية نقدر من خلالها تنتج لو في إبداع، ولو مفيش إبداع ممكن تدمر شعب ومجتمع.
واستكمل: التكنولوجيا في إيد الموهوب تنهي الجهل ويجب علينا أن نهتم بالموهوبين، فضلًا عن إني ممكن أخد أي كلام وأعمل بيه أغنية، والغربية أن احنا بقالنا 3 أو 4 سنين بنسمع مطربين مصر بيغنوا AI.
معنديش مشكلة تاخدوا صوتي
واختتم عمرو مصطفى حديثه قائلًا: أنا معنديش مشكلة تاخدوا صوتي بس تستخدموه في الخير مش في الشر.
