سمية الخشاب: التعليم مبيحددش مصير.. لو بتعرف تجيب فلوس هتتجوز وتسافر
أثارت الفنانة سمية الخشاب حالة من الجدل، بعد رسالتها لطلبة الثانوية العامة، التي أشارت فيها إلى أن التعليم والشهادات لا تحدد مصير شخصًا، لكن الناجح في حياته من وجهة نظرها هو من ينجح في الحصول على الأموال وتكوين ثروة، يستطع من خلالها أن يتزوج ويسافر للبلاد.
وكتبت سمية الخشاب تغريدة عبر حسابها الشخصي بموقع التدوينات القصيرة X، قال فيها: التعليم مبيحددش مصير ولا نيلة، بتعرف تجيب فلوس هتعرف تتجوز وتسافر مبتعرفش يبقى الشهادة هتقرطسها وتحط فيها طعمية.
رسالة سمية الخشاب لـ الطلبة
وفي سياق آخر شاركت سمية الخشاب في رمضان الماضي بـ مسلسل بـ 100 راجل، حيث تحدثت الفنانة عن صعوبات شخصية غالية التي جسدتها في المسلسل، إذ قالت خلال ندوتها مع القاهرة 24: الحلقات الأولى حلوة أوي، وقلت للمخرج إبرام نشأت، النجاح اللي بنشوفه دلوقتي ده هنشوف أضعافه بعد رمضان، لأن فيه ناس كتير مش بتابع كويس من كتر الزحمة، فنجاح المسلسل الحقيقي بعد رمضان، أنا بحب الحلقات الأولى لأني تعبت فيها، وشفت فيها قهر وبكا ومعدتي وجعتني ودخلت المستشفى يومين قبل ما نخلص بأسبوعين، وركبت محاليل وكل الضغط النفسي والقهر والزعل سمع في معدتي، وخرجت من المسشفى على اللوكيشن، ومشاهدي في المقابر كنت بنهار فيها، لأني كنت بستدعي الأعزاء اللي مشيوا، ودموعي مكنتش بتقف.
