حسام حبيب يقاضي مسرب تسجيلاته الصوتية وبعض صفحات شيرين عبد الوهاب
قرر المطرب حسام حبيب، اتخاذ الإجراءات القانونية ضد الشخص المتسب في تسريب الرسائل الصوتية له، والذي يتهم فيها شقيق الفنانة شيرين عبد الوهاب، ببيع حساباتها على السوشيال ميديا، وأيضا مقاضاة عدد من فانز الفنانة شيرين عبد الوهاب المتعمدين الإساءة والتشهير به.
وقال حسام حبيب في تصريح لـ القاهرة 24: ستأخذ الإجراءات القانونية بتهمة السب والقذف والتحريض ضد الشخص المتسبب في تسريبات التسجيل الصوتي على تليفوني، وجالي تسجيلات وحاجات كتير بتتعمل ضدي.
وتابع حسام حبيب: مش هتنازل المرة دي عن الإجراءات القانونية، لأن اللي بيحصل ده كفاية وبوضح للناس أن لا يمكن أكون أنا أعمل كده وأنشر فويسات ليا واتكلم في العلن دي مش أخلاقي خالص.
وأضاف حسام حبيب: هرفع قضية ضد فانزات شيرين اللى صمموا على الأذى وصمموا على نشر الفويسات وتعمدوا الإساءة ومعايا أكونتات بتاعتهم والأسماء وهما عارفين نفسهم ومش هتنازل عنها.
وفي وقت سابق، علق حسام حبيب، على انتشار فويسات له يتهم فيها شقيق الفنانة شيرين عبد الوهاب، ببيع حساباتها على السوشيال ميديا.
وفي تصريحات لـ برنامج ET بالعربي قال حسام حبيب: الفويسات المنتشرة ليا دي متاخدة من تليفوني وأنا مصرحتش بالكلام ده، وأنا هقدم بلاغ للنائب العام ضد اللي سرقهم، ودي جريمة يعاقب عليها القانون، وأي حد هينشر كلام أنا مصرحتش بيه هعمل ضده بلاغ وأنا بحذر اللي هينشر.
وأوضح حسام حبيب أن حديثه عما فعله شقيق الفنانة شيرين عبد الوهاب حقيقي، مؤكدا أن الفنانة قدمت بلاغا في هذا الشأن، قائلا: أما الموضوع اللي في الفويسات إن أخوها مضى توكيل بأثر رجعي وإنه يتنازل عن السوشيال ميديا الخاصة بشيرين عبد الوهاب دون علمها، في بلاغ شيرين مقدماه عن طريق ياسر قنطوش بتقول فيه نفس الكلام اللي قولته.
