صافينار: برقص في ديسكو لأني محتاجة فلوس وعندي التزامات.. لكن مش ده الفن اللي بجري عليه
تحدثت الراقصة صافينار، عن أسباب عدم مشاركتها في الأعمال الفنية الفترة الماضية بعد انفصالها عن المنتج أحمد السبكي فنيا، مؤكدة أنها حاليًا تختار أعمالها بعناية، مشيرة إلى أنها ما زالت تمارس مهنة الرقص في أحد الملاهي الليلية بسبب احتياجها للمال.
صافينار: برقص في ديسكو لأني محتاجة فلوس وعندي التزامات
وقالت صافينار في تصريحات لـ القاهرة 24: أنا مُقلة في شغلي لأن بيجلي وقت بكون مش عايزة أشتغل في ديسكو، ولكن بحب أشتغل فنيًا لايف وأرقص على أغاني عبد الحليم حافظ وأم كلثوم، فن بجد لأني بكون عايزة استمتع على المسرح.
أضافت صافينار: لما بشتغل في الديسكو ده علشان محتاجة فلوس ومصاريف لأن عندي التزامات، وبكون بتنطط زي القرد من هنا لهناك وأرقص على أغاني شعبي، مش ده الفن إلا بجري وميّتة عليه.
صافينار: رقصي مفيهوش إغراء
وفي وقت سابق، ردت صافينار على الانتقادات التي تتعرض لها بسبب جرأتها في الرقص والملابس، حيث قالت خلال تصريحات تلفزيونية: رقصي مفيهوش إغراء، ولو قارنا بين راقصات زمان ودلوقتي هنلاقي زمان كان فيه إغراء أكثر، والراقصات كانوا بيلبسوا بدل من غير شورتات، لكن إحنا على الأقل بنلبس شورت.
أعمال صافينار
يذكر أن صافينار شاركت في بطولة فيلم إنت حبيبي وبس، الذي عُرض عام 2019، وتناول العمل في إطار كوميدي، حول الفنان المشهور زيكو، الذي يضطر للزواج من بوسي، بعد أن اشترط جدهما في وصيته زواجهما للحصول على الميراث والذي يبلغ خمسة مليون جنيه، ومع تطور الأحداث يتحول ارتباطهما إلى حب حقيقي.
