المتهم بإنهاء حياة شقيقته بالصف في التحقيقات: خدت مراتي وهربت واتطلقت بعد 4 أشهر من جوازها| خاص
كشفت التحقيقات في القضية رقم 4671 لسنة 2024 جنايات مركز الصف والمقيدة برقم 1380 لسنة 2024 كلي جنوب الجيزة، الخاصة بواقعة مقتل فتاة تدعى فرح على يد شقيقها إسلام لشكه في سلوكها بمنطقة الصف التابعة لمحافظة الجيزة، عن أنه أطبق يديه حول عنقها وخنقها حتى فارقت الحياة.
مقتل فتاة بالصف
وحصل القاهرة 24 على نص التحقيقات واعترافات إسلام رمضان المتهم بقتل شقيقته بالصف، قائلا: أنا أخ كبير على ثلاث بنات ومعايا أخ صغير ثاني لسه متجوز، وحصل مشاكل بين أبويا وأمي بسبب أختي فرح رمضان علشان ادعت على أبوها إنه اتهجم عليها، وده كان سبب في إن أمي تطلب الطلاق، وفعلا اتطلقت ورفعت قضايا على أبويا.
وأضاف إسلام المتهم بقتل شقيقته بالصف قائلا: أنا وهيا اتجوزنا في يوم واحد وهيا راحت قعدت في قرية جمبنا في الصف، ومعداش 4 أشهر وغضبت وجت بيت أبويا وحطت دماغها في دماغ مراتي.
وأردف المتهم: وفي يوم وأنا راجع من الشغل وطالع شقتي فوق بيت أبويا وأمي لقيت الباب مفتوح ومراتي دعاء مش فيه، ولقيت ورقة على التليفزيون مكتوب فيها: أنا دعاء ومشيت أنا وأختك فرح ومش هنرجع البيت إلا لما أبوك يسيب البيت عشان أبوك بيتهجم علينا احنا الاثنين.
واستكمل المتهم: فضلت أسبوع بدور عليهما وجبناهم وعرفنا إنهما كانا عند واحد في اسطبل عنتر وقاعدين أسبوع معاه في الشقة، وأول ما رجعتهما طلقت مراتي في البيت واطلقت هيا كمان.
وقضت محكمة جنايات جنوب الجيزة بمعاقبة المتهم بإنهاء حياة شقيقته لشكه في سلوكها بعد علمه بارتباطها بعلاقة غير شرعية مع أحد الأشخاص، وكونها أنها سيئة السمعة بالصف، بالسجن لمدة 15 عاما.
