عمرو أديب يمازح سيد رجب بسبب مشهد في فيلم أولاد رزق 3.. والأخير يرد عليه: طبعا الأهلي بطولات

حرص الإعلامي عمرو أديب، على ممازحة الفنان سيد رجب، خلال حفل عرض فيلم أولاد رزق 3، بالمملكة العربية السعودية، وذلك بسبب مشهده الخاص بالفيلم والذي تحدث فيه عن الأهلي والبطولات، قائلا له: الفنان سيد رجب الجميل.. أهم مشهد في الفيلم.. بطولات.

الفنان سيد رجب

ورد عليه الفنان سيد رجب، قائلا: بطولات بطولات.. طبعا.. والشغل مع المخرج طارق العريان جميل جدا.. وكلنا انبسطنا.. وبنتمني يكون فيه جزء رابع وخامس من فيلم أولاد رزق. 

في سياق آخر، حرص الهضبة عمرو دياب على حضور افتتاح فيلم ولاد رزق 3 بالسعودية، والذي يعرض حاليًا في دور العرض بمصر ضمن موسم أفلام عيد الأضحى.

والتقى الإعلامي عمرو أديب بالهضبة وسأله عن سبب حرصه لحضور افتتاح الفيلم ليرد: كلهم أصدقائي وأنا سعيد بيهم لأن العمل ده مختلف وولاد رزق بجزئيه الأول والثاني نجح بشكل كبير، وولاد رزق 3 بالإنتاج اللي شفته بيسموها إنتاج بالصبغة العالمية يفتح نفسنا.

وأضاف عمرو دياب: وأنا بمعرفتي بمعالي المستشار تركي آل الشيخ كل الأعمال اللي بيعملها بيقدمها بصبغة عالمية، للمزيكا والسينما أنا لسه هشوفه دلوقتي الكواليتي اللي معمول والتريلر حاجات من بره، طارق العريان له باع معايا من زمان، بينه وبينا تاريخ قديم فنيا وموسيقيا أو لنجوم عظام اللي موجدين العمل كله متكامل فرحان إني موجود وأتمنى ليهم التوفيق.

وتابع: هناك حالة من الازدهار والفيلم جزء منه إنتاج مشترك، معاهم تامر مرسي والمتحدة، والإنتاج ده هيدي دفعة كبيرة لأي حد يعمل شغل بمستوى عالي.